Միջազգային

«Հայաստանի Հանրապետություն» թերթը գրում է․ «ՀՀ ԱԳ նախարար Արա Այվազյանը երեկ աշխատանքային այցով մեկնել է Մոսկվա, որտեղ հանդիպելու է ՌԴ ԱԳ նախարար Սերգեյ Լավրովի հետ։ Նախարարների հանդիպման առանցքային թեման Ռուսաստանի, Հայաստանի եւ Ադրբեջանի ղեկավարների 2020 թ. նոյեմբերի 9-ի եւ 2021 թ. հունվարի 11-ի հայտարարությունների իրագործման ընթացքի քննարկումն է։ Քննարկվելու են հայ ռազմագերիների եւ Ադրբեջանի կողմից պահվող քաղաքացիական անձանց ապահով հայրենադարձման հարցերը:

Վանի դատախազությունը կալանավոր է քուրդ լրագրողներին, ովքեր առաջինն են լուսաբանել տեղի բնակիչների նկատմամբ թուրք զինվորականների անօրինականությունները։ Այս մասին տեղեկացնում է ermenihaber.am-ը։

Պաղեստինի ազգային վարչակազմն Իսրայելին մեղադրել է այն բանում, որ այդ երկիրը նախօրյակին Գազայի հատվածում խանգարել է կորոնավիրուսի դեմ ռուսաստանյան «Սպուտնիկ V» պատվաստանյութի առաջին 2 հազար չափաբաժնի մատակարումներին:

Իրանի առողջապահության նախարարությունը ռուսաստանյան «Սպուտնիկ V» պատվաստանյութից լուրջ կողմնակի ազդեցություններ չի արձանագրել երկրում պատվաստումներն սկսելուց ի վեր:

Եվրամիությունը 150 միլիոն եվրո (181, 9 միլիոն դոլար) կտրամադրի կորոնավիրուսի մուտացիաների հետազոտման սեփական ծրագրի համար: Փետրվարի 17-ին այդ մասին հայտնում է Financial Times թերթը՝ վկայակոչելով պլանի մանրամասներին ծանոթ փորձագետների։

Միացյալ Նահանգները Սուբիկ բեյ քաղաքն աստիճանաբար իր ռազմակայանի է վերածում Ֆիլիպիններում: Այդ մասին, ինչպես հայտնել է Manila Bulletin թերթը, հայտարարել է Ֆիլիպինների նախագահ Ռոդրիգո Դուտերտեն։

Սիցիլիայի արեւելյան ափին էթնա հրաբխի նոր ժայթքում են գրանցել Իտալիայի Երկրաֆիզիկայի եւ հրաբխագիտության ազգային ինստիտուտի (Ingv) մասնագետները։

ԿԺԴՀ-ի ղեկավարի կինը՝ Լի Սոլ Չժուն, ավելի քան մեկ տարվա ընթացքում առաջին անգամ հայտնվել է հանրությանը՝ ներկա գտնվելով Փհենյանում կազմակերպված համերգին:

«Ես եղել եմ, կամ և մնալու եմ «ոչ մի թիզ հող» սկզբունքի կրողը. Շատ երկար կարող եմ հիմնավորել, թե ինչու պետք է հենց այդ սկզբունքն ընկած լիներ և ընկած լինի մեր քաղաքական ստրատեգիան կազմակերպելիս, բայց ուզում եմ ընդգծել հետևյալը. Նախ՝ այս աղետի ֆոնին կազանյան փաստաթուղթը, իհարկե, համեմատելի չէ այս իրականության հետ՝ տարածքային առումով ավելին էր լինելու Արցախը և ունենալու էր երաշխավորված կարգավիճակ: Ըստ էության, Սերժ Սարգսյանը շատ հստակ ասում է հետևյալը՝ մնում էի, որպեսզի այս աղետը չպատուհասեր»,- 168TV-ի «Ռեվյու» հաղորդման ընթացքում ասաց ռազմական փորձագետ Դավիթ Ջամալյանը՝ անդրադառնալով ՀՀ երրորդ նախագահ Սերժ Սարգսյանի հարցազրույցին:

2021 թվականի հունվարի 7-ին Ադրբեջանի նախագահը երբ ամփոփել է անցնող տարին, ասել է, որ իրենց վերահսկողության ներքո գտնվող հայկական տարածքներում կբնակվեն մահացած զինվորների ընտանիքները: Նա ասել է, որ Բաքվի, Գանձակի, Սումգայիթի բնակիչները կլինեն նրանց թվում: Ստացվում է՝ Ալիևը նրանց ստիպում է, որպեսզի գնան ու բնակվեն. այս մասին հայտնում են ադրբեջանական ընդդիմադիր լրատվամիջոցներն ու հավելում, որ միջազգային փորձագետները հայտնել են, որ այդ տարածքներն ականազերծելու համար առնվազն 5-10 տարի է պետք:

Մեծ Բրիտանիայի և Հյուսիսային Իռլանդիայի Միացյալ Թագավորության թագուհի Եղիսաբեթ Երկրորդի ամուսինը՝ 99-ամյա դուքս Ֆիլիպը վատ ինքնազգացողության պատճառով, բժիշկների խորհրդով,տեղափոխվել է հիվանդանոց:

Նոր տեսակի կորոնավիրուսի դեմ պատվաստանյութերի տարածումն աշխարհում իրականացվում է անարդար և ոչ համաչափ կերպով, ինչը կարող է լրջորեն բարդացնել համավարակի դեմ պայքարը:

Փարիզի դատարանը երեք ջիհադիստ ահաբեկիչների դատապարտել է 22-30 տարվա ազատազրկման ահաբեկչական խմբավորում ստեղծելու համար:

«Թուրք բժիշկների միության» (TTB) նախագահ Շեբնեմ Քորուր Ֆինջանջըի դեմ քրեական գործ է հարուցվել սոցցանցում Թուրքիայի գործող նախագահ Ռեջեփ Թայիփ Էրդողանի հասցեին վիրավորական գրառումներ անելու համար: 

«Եվրաեռյակի» երկրների՝ Ֆրանսիայի, Գերմանիայի եւ Մեծ Բրիտանիայի արտաքին գործերի նախարարությունների ղեկավարները փետրվարի 18-ին կհանդիպեն Փարիզում, որպեսզի տեսախորհրդաժողովի ձեւաչափով ամերիկացի պաշտոնակացի հետ միասին քննարկեն Իրանի եւ Մերձավոր Արեւելքի անվտանգության թեման:

Անբարենպաստ եղանակներ են հաստատվել Լիբիայի արեւելքում եւ Եգիպտոսի մի քանի տարածաշրջաններում։

Ռուսաստանն սպառնալիքէ ներկայացնում ՆԱՏՕ-ի բոլոր անդամների համար: Այդ մասին ճեպազրույցի ընթացքում հայտարարել է Պենտագոնի պաշտոնական ներկայացուցիչը: Նրա ելույթի սղագրությունը հրապարակվել է ԱՄՆ-ի պաշտպանության նախարարության կայքում:

Ճապոնիայի եւ ԱՄՆ-ի կառավարությունները համաձայնության են եկել երկրում ամերիկյան ռազմակայաններ պահելու ծախսերի բաշխման պայմանները երկարաձգելու մինչեւ 2022 թվականի մատի 31-ը (Ճապոնիայում հաջորդ ֆինանսական տարվա վերջը):

Թուրքիայի արտգործնախարար Մևլութ Չավուշօղլուն փետրվարի 18-ին պաշտոնական այց կկատարի Ադրբեջան: Այս մասին տեղեկացնում է ermenihaber.am-ը։

Ուկրաինայի նախարարների կաբինետը մտադիր է դուրս գալ Փոստային եւ էլեկտրական կապի բնագավառում միջպետական հարաբերությունների համակարգման համաձայնագրից, որը կնքվել է Անկախ պետությունների համագործակցության (ԱՊՀ) շրջանակներում։

Թուրքիայի պաշտպանության նախարարությունը փետրվարի 17-ին հաղորդել է երկրի հարավում հինգ ռուսաստանցիների ձերբակալելու մասին, որոնք փորձում էին անօրինականորեն երկիր տեղափոխվել Սիրիայից. ձերբակալվածներից մեկը հետախուզման մեջ է գտնվում «Իսլամական պետություն» ահաբեկչական կազմակերպությանը մասնակից լինելու պատճառով։

Առնվազն 14 մարդ է ձերբակալվել Իսպանիայի մի շարք քաղաքներում տեղի ունեցած անկարգությունների արդյունքում, որոնք սկսվել են հաջակցություն ռեփեր Պաբլո Ասելի բողոքի ակցիաներից, ով ձերբակալվել է ձախ արմատական ահաբեկչությունը փառաբանելու եւ միապետությանը վիրավորելու համար։

Ռուսաստանի Անվտանգության դաշնային ծառայությունը (ԱԴԾ) 19 իսլամիստ ծայրահեղականների է ձերբակալել չորս տարածաշրջաններում, որոնք դիվերսիոն-ահաբեկչական գործողություններ էին պլանավորել Հյուսիսային Կովկասում: Փետրվարի 17-ին այդ մասին ՏԱՍՍ-ին հայտնել են Ռուսաստանի Անվտանգության դաշնային ծառայության Հասարակական կապերի կենտրոնում (ՀԿԿ):

Մարտունու շրջանի Կարմիր Շուկա-Շեխեր համայնքների խաչմերուկում Ադրբեջանը հայկական կողմին է փոխանցել ռազմագործողությունների ընթացքում զոհված զինծառայողների ևս 106 աճյուն: Այս մասին հայտնում է ԱՀ Արտակարգ իրավիճակների պետական ծառայությունը:

Փետրվարի 15-ին Նիդերլանդների «Հանուն Ազատության կուսակցության» (PVV) առաջնորդ, Ներկայացուցիչների պալատի անդամ Խիրտ Վիլդերսը Twitter-ում հրապարակել է Թուրքիայի նախագահ Ռեջեփ Թայիփ Էրդողանի լուսանկարը` վերջինիս անվանելով ահաբեկիչ: Վիլդերսը հայտնի է Թուրքիայի և թուրքական իշխանությունների հասցեին սուր քննադատություներով: Այս մասին տեղեկացնում է ermenihaber.am-ը։

Թուրքիայում շարունակվում են ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) անդամների հետապնդումներն ու ձերբակալությունները։ Այս մասին տեղեկացնում է ermenihaber.am-ը։

Ստամբուլի բնակիչ Ռ. Չելիքը, որը որպես մեղադրյալ ներգրավված է Թուրքիայի նախագահ Ռեջեփ Թայիփ Էրդողանին վիրավորելու գործով դատավարությանը, պատահաբար պարզել է, որ Էրդողանի կուսակիցն է: Այս մասին տեղեկացնում է ermenihaber.am-ը։

Փետրվարի 16-ին 5,1 մագնիտուդով երկրաշաժ է գրանցվել Հունաստանում: Այդ մասին հայտնել է Եվրոպա-միջերկրյածովյան սեյսմոլոգիական կենտրոնը: Էպիկենտրոնը գտնվել է շուրջ 168 հազար բնակչությամբ Պատրա քաղաքից 22 կիլոմետր դեպի հյուսիս–արեւելք:

«Հայաստանի Հանրապետություն» թերթը գրում է․ «Թուրքիան ծանր հարվածներ է ստացել Իրաքի հյուսիսային Քուրդիստան ինքնավար շրջանի Դոհուկ նահանգի Գարե բնակավայրի մոտակայքում: Ինչպես փոխանցում է «Еrmenihaber»-ը, այդ երկրի ռազմական ուժերը փետրվարի 10-ից իրականացնում են «Արծվի մագիլ-2» ռազմական գործողությունը եւ հակաահաբեկչական գործողությունների քողի տակ ներխուժել էին Իրաքի հյուսիսային տարածքներ:

ԱՄՆ վարչակազմը՝ նախագահ Ջո Բայդենի գլխավորությամբ, բանակցություններ է սկսել Գերմանիայի իշխանությունների հետ՝ «Հյուսիսային հոսք 2» նախագծի ապագան որոշելու համար: Ինչպես փոխանցում է The Wall Street Journal-ը, Գերմանիայի ներկայացուցիչը նշել է, որ խորհրդակցություններում, մասնավորապես, քննարկվում է «Հյուսիսային հոսք 2-ի կառուցման մեջ ներգրավված ընկերությունների դեմ պատժամիջոցների սպառնալիքը»: