Հռոմի պապը կայցելի Ղազախստան
Հռոմի Ֆրանցիսկոս պապը նախագահ Կասիմ Ժոմարտ Տոկաևի հրավերով 2022 թվականի սեպտեմբերի 13-15-ը պետական այցով կմեկնի Ղազախստան։ Այս մասին երկուշաբթի հայտնել է Ղազախստանի նախագահի մամուլի ծառայությունը, գրում է ՏԱՍՍ գործակալությունը։
«Նախագահ Կասիմ Ժոմարտ Տոկաևի հրավերով 2022 թվականի սեպտեմբերի 13-15-ը Հռոմի Պապ Ֆրանցիսկոսը պետական այցով կմեկնի Ղազախստան: Այցի ընթացքում նախատեսված են հանդիպումներ երկրի բարձրագույն ղեկավարության հետ, ինչպես նաև մասնակցություն Համաշխարհային և ավանդական կրոնների առաջնորդների VII-րդ համագումարին»,- ասվում է հաղորդագրությունում։
2022 թվականի սեպտեմբերի 14-15-ը Նուր Սուլթանում տեղի կունենա Համաշխարհային և ավանդական կրոնների առաջնորդների VII-րդ համագումարը:
