ՀՀ ՄԻՊ Արման Թաթոյանը կոչով դիմել է համաշխարհային հանրությանը: «Անհրաժեշտ են հրատապ քայլեր: Ժամանակն է ոչ թե ձևական կոչերով կամ կոնֆերանսներում գեղեցիկ ելույթներով, այլ իրական քայլերով անհապաղ դադարեցնել այս շարունակվող հումանիտար աղետը, զոհերն ու զանգվածային ավերածությունները:
Էդուարդ Շարմազանովը ֆեյսբուքյան իր էջում գրում է․ «Հանրապետականը շատ պարզ ու հստակ հայտարարել է, որ պատերազմի պայմաններում սառեցնում է ներքաղաքական օրակարգը եւ իր ներուժով սատար է կանգնում մեր բանակին, Հայաստանին ու Արցախին։
Ադրբեջանի նախագահ Իլհամ Ալիևը խոստովանել է, որ Ադրբեջանում թուրքական F-16 կործանիչ ինքնաթիռներ կան: Նա CNN-ի եթերում հայտարարել է, որ թուրքական կործանիչները Ադրբեջան են տարվել զորավարժություններին մասնակցելու նպատակով: Նա պնդել է, թե դրանք «գետնի վրա են» և չեն կիրառվում:
ՌԴ նախագահ Վլադիմիր Պուտինը ՌԴ ԱԽ-ի այսօրվա նիստում քննարկել է ԼՂ-ում ստեղծված իրավիճակը, ինչպես նաև ՌԴ շահերի ապահովումը Հեռավոր արևելքում և հարավարևելյան Ասիայում։ Այս մասին հաղորդում է ռուսական ՏԱՍՍ գործակալությունը։
Արմեն Աշոտյանը ֆեյսբուքյան իր էջում գրում է․ «Ամերիկյան աշխարհահռչակ STRATFOR հետախուզական-վերլուծական կենտրոնը նույնպես փաստում է, որ պատերազմը սկսել է Ադրբեջանը»։
Արցախում զոհված 19-ամյա Վահե Արմենակի Մկրտչյանն Արմավիրի մարզի Լեռնագոգ համայնքից էր: Համայնքապետարանի աշխատակիցը 168.am-ի հետ զրույցում ասաց, որ դպրոցն ավարտելուց հետո Վահեն ընդունվել էր Երևանի պետական համալսարանի Միջազգային հարաբերությունների ֆակուլտետ:
168 TV ԼՐԱՀՈՍ
ՀՀ պաշտպանության նախարարությունը հայտնում է, որ Մինգեչաուրի և Աղջաբադի ուղղությամբ հայկական ուժերի, իբր, ինտենսիվ հարվածելու մասին ադրբեջանական հայտարարությունները հերթական կեղծիքն են։
Արտաքին գործերի նախարարների մակարդակով Լեռնային Ղարաբաղի շուրջ բանակցությունները կսկսվեն Մոսկվայում ժամը 15:00-ին (Երևանի ժամանակով 16:00), հայտարարել է ՌԴ նախագահի մամուլի քարտուղար Դմիտրի Պեսկովը:
Էմանուել Մակրոնը կարեւորել է հրադադարի հաստատումն ու հակամարտության խաղաղ կարգավորման ուղղությամբ բանակցությունների անցկացումը՝ ԵԱՀԿ Մինսկի խմբի եւ ՌԴ նախագահ Վլադիմիր Պուտինի հոկտեմբերի 8-ի կոչի շրջանակում։ Ֆրանսիայի նախագահը հավելել է նաեւ, որ անմիջական հաղորդակցության մեջ է ՌԴ նախագահի հետ։
Հայաստանի արդյունաբերողների և գործարարների միության անդամների կողմից «Հայաստան» համահայկական հիմնադրամի «Մենք ենք, մեր սահմանները․ բոլորս Արցախի համար» դրամահավաք-արշավի հաշիվներին փոխանցված հանգանակությունների գումարը հոկտեմբերի 9-ի դրությամբ կազմել է 1 մլդ 15 650 000 դրամ և 201 000 դոլար:
«Արցախի պաշտպանության կոմիտեն Ազգային ժողով և Կառավարություն է ներկայացրել մի շարք առաջարկներ, և առաջինը հետևյալն է. եթե Հայաստանը և Արցախը դիմում են միջազգային հանրությանը, թե՝ ճանաչե՛ք Արցախի Հանրապետության անկախությունը, ապա առաջին քայլը մենք պետք է անենք»,- մամլո ասուլիսի ժամանակ ասաց Դեմոկրատական կուսակցության նախագահ Արամ Սարգսյանը՝ հայտնելով, որ իրենք ժամանակին մշակել են իրավական փաթեթ, որով հիմնավորվում է, թե ինչու է Արցախի Հանրապետությունը ձևավորվել լեգիտիմ ճանապարհով՝ ԽՍՀՄ օրենքներին և միջազգային նորմերին համապատասխան: Իսկ սա հիմք կհանդիսանա մի շարք երկրների համար:
ՀՀ ՊՆ խոսնակ Շուշան Ստեփանյանը ֆեյսբուքյան իր էջում գրում է․ «Հակառակորդը հարավային ճակատի նույն հատվածում շարունակաբար մեծ թվով կորուստներ է կրում»։
Չնայած բոլոր դժվարություններին, հայ ժողովուրդը միասնական է, ինչպես երբեք նախկինում և վճռական է մինչև վերջ կանգնելու և պաշտպանելու ազատությունն ու անկախությունը: Այս մասին Երևանում անցկացվող Եվրասիական միջկառավարական խորհրդի նիստին՝ իր բացման խոսքում, հայտարարեց ՀՀ վարչապետ Նիկոլ Փաշինյանը։
Պատերազմն առաջնագծի բոլոր ուղղություններով ինտենսիվ կերպով շարունակվում է:
Արցախում նահատակված 19-ամյա Դավիթ Մխիթարի Թորոսյանն Արմավիրի մարզի Լեռնագոգ համայնքից էր, 1 տարի առաջ էր զորակոչվել բանակ: 168.am-ը զրուցեց Լեռնագոգի համայնքապետարանի աշխատակիցներից մեկի հետ, ով պատմեց Դավիթի մասին:
Արցախի Հանրապետության արտաքին գործերի նախարարությունը ցինիզմի բարձրագույն դրսևորում է համարում Ադրբեջանի նախագահի վերջին հայտարարություններն այն մասին, թե ռազմական գործողությունների վերսկսումը չի նշանակում բանակցային գործընթացից հրաժարում, և որ պաշտոնական Բաքուն շարունակում է Արցախի բնակիչներին համարել իր քաղաքացիները:
Երեկ Ժնեւում անցկացված բանակցությունները ԵԱՀԿ Մինսկի խմբի շրջանակներում Լեռնային Ղարաբաղում իրավիճակի կարգավորման շուրջ կշարունակվեն ուրբաթ օրը Մոսկվայում, հայտնում է ՏԱՍՍ-ը` վկայակոչելով դիվանագիտական աղբյուրները:
Արցախի թեմի առաջնորդ Պարգև Արքեպիսկոպոս Մարտիրոսյանը վստահ է՝ թշնամին հարվածում է քաղաքներին ու գյուղերին, որովհետև ռազմաճակատում հանդիպում է համառ դիմադրության: Երեկ ադրբեջանական զինված ուժերը երկու անգամ թիրախավորել են Շուշիի Սուրբ Ամենափրկիչ եկեղեցին: Երկրորդ հարվածի պահին այնտեղ եղել են լրագրողներ:
«Հրապարակը» թերթը գրել է. «Դավաճանների փնտրտուքն» անհասցե չի լինելու․ մեկը կլինի Վիտալի Բալասանյանը, մյուսը՝ Սեյրան Օհանյանի որդին, որը ռազմական գործողություններին է մասնակցել, երրորդ խումբը ՀՀ նախկին նախագահներն ու ԱԱԾ նախկին տնօրեն Արթուր Վանեցյանն են»:
Տաթևիկ Հայրապետյանը ստեղծված իրավիճակի մասին՝ ՈւՂԻՂ
«Նախապատրաստվում է ՀՀ ԱԳ նախարար Զոհրաբ Մնացականյանի այցը Մոսկվա։ Այսօր ՌԴ ԱԳ նախարարությունը տեղեկատվություն տարածեց, որ նախապատրաստում է երկու նախարարների այցը Մոսկվա»,- այս մասին 168․am-ի հետ զրույցում ասաց ՌԴ-ում ՀՀ դեսպան Վարդան Տողանյանը։
Երեկ Շուշիի Սուրբ Ամենափրկիչ եկեղեցու մոտ ծանր վիրավորված ռուս լրագրող Յուրա Կոտյոնկին այսօր ռեանոմոբիլով տեղափոխել են նախ Ստեփանակերտից Գորիս, իսկ հետո` Երևան։ Նրան արհեստական կոմայից դուրս չեն բերել։ Այդպես տեղափոխելն ավելի հեշտ է։ Այս մասին գրում է War Gonzo տելեգրամ ալիքը։
Ադրբեջանական ագրեսիան հետ մղելու ընթացքում զոհված զինծառայողները
ՀՀ ՊՆ խոսնակ Շուշան Ստեփանյանը ֆեյսբուքյան իր էջում գրում է․ «ՊԲ ստորաբաժանումները շարունակում են ոչնչացնել հակառակորդին մարտական գործողությունների գոտում»։
Հայաստանի արտգործնախարար Զոհրաբ Մնացականյանը նախատեսում է ուրբաթ օրվա երկրորդ կեսին ժամանել Մոսկվա` Լեռնային Ղարաբաղում տիրող իրավիճակի շուրջ խորհրդակցություններին մասնակցելու համար: Այս մասին ՏԱՍՍ-ին հայտնել է Մոսկվայում ՀՀ դեսպան Վարդան Տողանյանը:
Ադրբեջանը հենց նոր մի քանի անգամ հարվածեց Ստեփանակերտի քաղաքացիական օբյեկտներին:
Տարբեր ուղղություններում, տարբեր ինտենսիվությամբ մարտերը շարունակվում են։
Արծրուն Հովհաննիսյանը ֆեյսբուքյան իր էջում գրում է․ «Նորից Հրթիռակոծվեց Ստեփանակերտը»։
