Դատավոր Սիդնեյ Թոմասի որոշման մեջ ասված է, որ, այս կերպ, բավարարված է Միացյալ Նահանգների վարչակազմի կողմից ավելի վաղ տրված միջնորդությունը: «Միացյալ Նահանգները դատարանին հայտարարել է, որ նախագահը մտադիր է ստորագրել նոր կատարողական հրամանագիր, նրանք միջնորդություն են ներկայացրել, որ դատարանը «կասեցնի գործի քննությունը, քանի դեռ նախագահն այդ նոր հրամանագիրը չի ստորագրել»,- ասված է փաստաթղթում:
ԵԱՀԿ Մինսկի խմբի համանախագահների նախաձեռնությամբ և ներկայությամբ փետրվարի 16-ին Մյունխենում կայացել է Հայաստանի արտգործնախարար Էդվարդ Նալբանդյանի և Ադրբեջանի արտգործնախարար Էլմար Մամեդյարովի հանդիպումը:
Թուրքիայում հուլիսի 15-ի հեղաշրջման փորձից հետո գյուլենականների դեմ տարվող հետաքննության շրջանակներում հարցաքննվող գաղտնի վկաներից մեկը խոստովանել է, որ իրենք 2010 թվականին մտադիր էին Էրդողանին նռան հյութով թունավորել:
«Չգիտեմ, կհասնենք գործարքի, թե ոչ Մի գուցե՝ այո, մի գուցե՝ ոչ: Ինձ շատ հեշտ կլիներ կոշտ լինել Ռուսաստանի նկատմամբ: Որքան կոշտ, այնքան լավ: Սակայն, ես ցանկանում եմ ճիշտ քայլ կատարել՝ ելնելով Ամերիկայի ժողովրդի շահերից: Ավելին, ցանկանում եմ ճիշտ քայլ կատարել ամբողջ աշխարհի համար: Եթե Ռուսաստանը եւ Միացյալ Նահանգները միասնական լինեն, լավ հարաբերություններ հաստատեն, դա լավ է, չմոռանանք, որ մենք շատ հզոր միջուկային երկիր ենք, նրանք՝ նույնպես: Միջուկային ողջակիզումն ամենասարսափելի բանը կլիներ»:
11 էջանոց ձեռագիրը պահվում էր Ֆուլթոնում Չերչիլի թանգարանում, որտեղ այն հայտնվել է մասնավոր հավաքածուից: Դատելով ըստ ամենայնի՝ գործը գրվել է 1939 թվականին և նախատեսված է եղել թերթում հրապարակման համար, սակայն այդպես էլ երբեք չի տպագրվել:
Բանակցությունները, համաձայնությունները, բանավեճերը եւ ընտրական պայմանավորվածությունները` ընդգծում են նորացված Սահմանադրության բերած նորարարությունը, ընտրական նոր մշակույթը, ինչը նաեւ նպատակ էր կառավարման համակարգի փոփոխությունը առաջադրող ուժերի համար:
Այսօրվա մեր քննարկման թեման է` «Հայաստան-Սփյուռք. մեկ ազգ` առանց ընդհանուր տեսլականի»։ Առանցքային խնդիրներից, որ կցանկանայինք քննարկել, հայրենադարձության խնդիրն է. արդյո՞ք այդ խնդիրը կա Հայաստանի վերնախավի, և ընդհանրապես հայկական բոլոր բաղադրիչների առջև, և եթե այդպիսի պահանջ կա, ապա ինչպե՞ս դա կարելի է կազմակերպել, և ի՞նչ գործոններ են խոչընդոտում այդ գործընթացը սկսելու և իրականացնելու համար։
«Կլինի՞ ապրիլյան պատերազմի կրկնություն, թե՞ ոչ, ես վստահ չեմ, որ նույնպիսի կրկնություն, իրավիճակի պատճեն կլինի։ Բայց որ ինչ-ինչ միջադեպեր կլինեն, դա միանշանակ է, և այսօր էլ դրանք շարունակվում են»։
Ֆրանսիայի արտաքին գործերի նախարար Ժան-Մարկ Էյրոն Բոննում ԱՄՆ պետքարտուղար Ռեքս Թիլերսոնի հետ առաջին հանդիպումից հետո հայտարարել է, որ մտահոգված է պաշտոնական Վաշինգտոնի դիրքորոշումից՝ մերձավորարևելյան հակամարտության կարգավորման շուրջ:
Ղազախստանի մայրաքաղաք Աստանայում կայացած սիրիական խնդրի կարգավորմանն ուղղված հանդիպումը ռուսական կողմի կարծիքով եղել է հաջող:
Ֆրանսիայի Սոցիալիստական կուսակցությունից նախագահի թեկնածու Բենուա Ամոնը դատապարտել է Մարսելում Միսաք Մանուշյանի կիսանդրիի պղծումը:
«Իմ վարչակազմն արդեն իսկ Իրանի դեմ նոր պատժամիջոցներ է ընդունել եւ ես կանեմ ամեն ինչ, որպեսզի թույլ չտամ Իրանին երբեւէ, միջուկային զենք ունենալ»:
Մարդու իրավունքների պաշտպանության եվրոպական ասոցիացիայի անդամ Ռեմեզայտեն այցելության վիզա էր ստացել Լոնդոնում Ադրբեջանի դեսպանությունից: Երկու գործընկերների հետ նա օտարերկրյա դեսպանություններից մեկի հրավերով ժամանել է Բաքու, սակայն սահմանային հսկման կետում նրան հայտնել են, որ «կա խնդիր Ադրբեջան մուտք գործելու հետ, չնայած վիզայի առկայությանը»: Ավելի ուշ նրան առանց որևէ մեկնաբանություն տալու հետ են ուղարկել:
Անդրադառնալով ռուս-ամերիկյան լարվածության նոր ալիքի ազդեցությանը ԼՂ հակամարտության գոտում տիրող իրավիճակի վրա՝ գերմանացի վերլուծաբանն ասաց, որ եթե նույնիսկ այդ առճակատումը խորանա, այն այլ ճակատներ է ներառում՝ Դոնբաս, Ղրիմ, միգուցե՝ Սիրիա։
Ռուսաստանի արտգործնախարար Սերգեյ Լավրովը մինչ ԱՄՆ պետքարտուղար Ռեքս Թիլսերսոնի հետ հանդիպումը հայտարարել է, որ Ռուսաստանը չի միջամտում այլ երկրների ներքին գործերին, հայտնում է Reuters-ը։
Ռուսաստանը չի պատրաստվում վիզաներ սահմանել բելառուս քաղաքացիների համար, չնայած երկու երկրների միջև սահմանի երկայնքով հաստատված սահմանային գոտուն, հայտարարել է ՌԴ նախագահի մամուլի քարտուղար Դմիտրի Պեսկովը։
Ուկրաինայի ներքին գործերի նախարար Արսեն Ավակովը հայտարարել է, որ Դոնբասում հակամարտությունը կարող է աղետալի հետևանքներ ունենալ երկրի համար, իսկ Եվրոպայում ուկրաինացի փախստականների թիվը կարող է գերազանցել սիրիացի փախստականների թիվը։
Արևմուտքի երկրները մշտապես սադրում են Ռուսաստանին և ձգտում են նրան ներքաշել հակամարտության մեջ, հայտարարել է ՌԴ նախագահ Վլադիմիր Պուտինը։
ԱՄՆ-ը և Իսրայելը աշխատանքային խմբեր կստեղծեն մի շարք ոլորտների վերաբերյալ, այդ թվում՝ Իրանին հակազդելու ու Պաղեստինի տնտեսության զարգացման համար, հայտնում է Սպիտակ տան մամուլի ծառայությունը։
«Եթե իշխանության գա մեկը, ով Գլենդելում է ուսանել, ապա Հարվարդում ստացել է իր մագիստրոսական կոչումը, կարող է նույնիսկ չտիրապետել ռուսերենին, բայց նա երկու-երեք օր կաշխատի նախագահի և վարչապետի աշխատասենյակում և կհասկանա, որ առանց Ռուսաստանի՝ այդքան էլ չի ստացվի»։
Չնայած այն բանին, որ ռուսաստանցիների մեծ մասը Բելառուսը համարում է բարեկամական պետություն, առևտրային և տնտեսական գործընկեր, ռուսաստանցիների 78%-ը հանդես է գալիս Բելառուսի հետ վիզային ռեժիմ սահմանելու օգտին, իսկ կեսից ավելին (60%) դեմ է նրան շուկայականից ցածր գնով նավթ և գազ վաճառելուն, հայտնում է RIA Novosti-ն՝ վկայակոչելով Հասարակական կարծիքի ուսումնասիրության համառուսական կենտրոնին։
ԱՄՆ-ում այսօր՝ փետրվարի 16-ին, ողջ երկրում ներգաղթյալները չեն գնա աշխատանքի կամ դպրոց՝ այդկերպ իրենց բողոքը հայտնելով երկրի նախագահ Դոնալդ Թրամփի սկանդալային հրամանագրի դեմ, հայտնում է The Associated Press-ը։
Փարիզում ոստիկանները արցունքաբեր գազ են կիրառել զանգվածային բողոքի ակցիաների մասնակիցների դեմ, որոնք հանդես են գալիս աֆրիկացի ներգաղթյալների նկատմամբ իրավապահների կոշտ վերաբերմունքի դեմ։
ՌԴ պաշտպանության նախարարությունը պատրաստ է վերականգնել համագործակցությունը Պենտագոնի հետ, սակայն Ռուսաստանի նկատմամբ ուժի դիրքերից երկխոսություն հաստատելու փորձերը անհեռանկարային են, այսօր հայտարարել է ՌԴ ռազմական գերատեսչության ղեկավար Սերգեյ Շոյգուն։
ԱՄՆ պետքարտուղար Ռեքս Թիլերսոնը փետրվարի 16-ին Բոննում կհանդիպի ՌԴ ԱԳՆ ղեկավար Սերգեյ Լավրովի հետ և կքննարկի Ուկրաինայում իրավիճակը, ինչպես նաև ԴԱԻՇ-ի դեմ պայքարը, հայտնում է Interfax-ը՝ վկայակոչելով Պետդեպի ներկայացուցչին։
ՄԱԿ-ի գլխավոր քարտուղար Անտոնիո Գուտյերեշը հայտարարել է, որ այլընտրանք իսրայելա-պաղեստինյան հակամարտության լուծմանը «Երկու պետություն երկու ժողովրդի համար» սկզբունքի հիման վրա, չկա։
Իսրայելի վարչապետ Բենիամին Նեթանյահուն խոստացել է ուսումնասիրել ԱՄՆ նախագահ Դոնալդ Թրամփի խնդրանքը՝ սահմանափակել շինարարությունը օկուպացված պաղեստինյան տարածքներում, գրում է Нaaretz պարբերականը։
Ինչպես երեկ տեղեկացրել էինք, Մ-4 ավտոճանապարհի (դաշնային) 1142 կմ-ին (Կուշևսկու շրջան, Կրասնոդարի երկրամաս) տեղի էր ունեցել ճանապարհատրանսպորտային պատահար։ Մոսկվա-Երևան երթուղին իրականացնող Setra մակնիշի АМ 97 РМ 999 պետհամարանիշով ավտոբուսը տեղի ժամանակով ժամը 15:30-ի սահմաններում բախվել էր Ռոստովի մարզից MAN մակնիշի М613АН161 պետհամարանիշով բեռնատար ավտոմեքենային:
Պենտագոնը դիտարկում է Սիրիա ցամաքային զորքեր մտցնելու հնարավորությունը, հայտնում է CNN-ը։
Ադրբեջանական լրատվամիջոցները փետրվարի 10-ին հրապարակել էին Ադրբեջանում Հունաստանի դեսպան Դիմիտրիոս Ցոունգասի խոսքն այն մասին, թե իբր «Հունաստանը Լեռնային Ղարաբաղի հակամարտությունում աջակցում է Ադրբեջանի դիրքորոշմանը»:
