Չինաստանում համաճարակային իրավիճակը` պայմանավորված նոր կորոնավիրուսային (COVID-2019) վարակով, դեռևս լարված է:
Հայաստանի Հանրապետության առողջապահության նախարարությունը հայտնում է, որ սուր շնչառական վարակների առումով դիտվում է իրավիճակի կայունացում, իսկ որոշ ցուցանիշներով՝ նվազում:
«Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» ՀՀ օրենքի մի շարք պահանջների վերահսկողությունը վերապահված է Առողջապահական եւ աշխատանքի տեսչական մարմնին (ԱԱՏՄ)։
Մի քանի օր է, համացանցում տեղեկություններ են տարածվում Հայաստանում սուր շնչառական վարակների ակտիվացման, դպրոցներում և մանկապարտեզներում երեխաների մեծ մասի բացակայության մասին: Այդ հաստատություններում բուժքույրերն անգամ աշխատում են մուտքի մոտ՝ հիվանդ երեխաներին տուն կամ բուժկետ ուղեկցելու համար:
Առողջապահական եւ աշխատանքի տեսչական մարմնի ղեկավար Հակոբ Ավագյանի եւ «Ակադեմիկոս էմիլ Գաբրիելյանի անվան դեղերի եւ բժշկական տեխնոլոգիաների փորձագիտական կենտրոն» ՓԲԸ տնօրեն Վիլեն Գաբրիելյանի հանդիպմանը քննարկվել են դեղերի շուկայի վերահսկման եւ վերահսկողության արդյունքում առանձնացված դեղերի փորձագիտական աշխատանքներին, դրանց վերաբերյալ եզրակացությունների տրամադրմանն առնչվող հարցեր։ Այս մասին հայտնեցին Առողջապահական եւ աշխատանքի տեսչական մարմնից:
2019 թվականին Արցախի Հանրապետության առողջապահության նախարարության Հանրապետական բժշկական կենտրոնի անգիոգրաֆիայի բաժանմունք է դիմել 511 քաղաքացի, որոնցից 358-ը ենթարկվել է սրտի կորոնար անոթների անգիոգրաֆիկ հետազոտության, 181 հիվանդի տեղադրվել է 226 ստենտ:
Կորոնավիրուսների ընտանիքի բազմաթիվ ներկայացուցիչներ կան, որ վարակում են թռչուններին, խոշոր եղջերավոր անասուններին, կատուներին, չղջիկներին, և այլն։ Նորություն չէ, որ վիրուսները, հատկապես՝ ՌՆԹ գենոմ ունեցող, կարող են որոշակի մուտացիաների առկայության դեպքում անցնել մեկ տեսակից մյուսին։ Հավանաբար կհիշեք՝ տարիներ առաջ եղան դեպքեր, երբ թռչուններին վարակող գրիպի վիրուսի մի տեսակ վարակել էր նաև մարդկանց՝ թռչնագրիպը։ Կորոնավիրուսների դեպքում էլ SARS-ը մարդկանց անցել է չղջիկներից։ Շատ հավանական է, որ այս նոր կորոնավիրուսը նույնպես ունեցել է մեկ այլ տեր և մուտացիայի արդյունքում կարողացել է «թռչել» մեկ տիրոջից մյուսի վրա։
Առողջապահության նախարար Արսեն Թորոսյանը հանդիպել է Հայաստանի պետական հետաքրքրությունների ֆոնդի (ANIF) ներկայացուցիչների հետ և քննարկել համագործակցության շրջանակներն ու ուղիները, հնարավոր ներդրումային ծրագրերը:
Առավոտյան ժամը 8:00-ից դպրոցներում և մանկապարտեզներում բույժքույրերը մուտքի մոտ են, հետո նաև դասասենյակներում. զննում են երեխաներին և գրիպի կամ այլ ախշտանիշի դեպքում միանգամից բուժկետ ուղեկցում:
Հայաստանի Հանրապետությունում սուր շնչառական վարակների և գրիպի սեզոն է, ու լաբորատոր հետազոտությունների արդյունքների համաձայն` դեռևս 2019 թվականի նոյեմբերից շրջանառվում են գրիպի Ա տեսակի H1N1 ենթատեսակները և գրիպի Բ տեսակի հարուցիչները:
Երկրում այս պահին կա սեզոնին բնորոշ սուր-շնչական վարակներով հիվանդացություն, որոնցից մի մասը պայմանավորված է գրիպի վիրուսի տարբեր ենթատեսակներով։
Երևանի Ալ. Պուշկինի անվան թիվ 8 հիմնական դպրոցում գրանցվել է գրիպի Ա H1N1 ենթատեսակով հիվանդացության դեպքեր: Դպրոցի տնօրեն Նատալյա Ստեփանյանին առայժմ 10 երեխայի ծնող ներկայացրել է տեղեկանք՝ H1N1 գրիպով վարակված լինելու մասին:
Առողջապահական եւ աշխատանքի տեսչական մարմինն օդային եւ ցամաքային սահմանին շարունակում է ուժեղացված հսկողական աշխատանքները՝ տեղեկացնելով, որ դրանց արդյունքում սահմանից լինում են հոսպիտալացումներ։ Չինաստանից Հայաստան ժամանած հայերի թվում եղել են այնպիսիք, որ ունեցել են ջերմություն։ Նրանք եւ ոչ միայն նրանք մեկուսացվել եւ հոսպիտալացվել են։
Կոտայքի մարզի Չարենցավան քաղաքում փետրվարի 6-ին արձանագրվել է բոտուլիզմի դեպք՝ 2 տուժածով:
Վերջին մի քանի օրվա ընթացքում, օրական իրականացվող մշտադիտարկման արդյունքների համաձայն, հանրապետությունում դիտվում է սուր շնչառական վարակների աշխուժացում` թե ամբուլատոր-պոլիկլինիկական և հիվանդանոցային կազմակերպություններ դիմելիության առումով, թե շտապ օգնության կանչերում։
Հիմք ընդունելով մարզային բուժհաստատությունում վարչական վարույթների արդյունքում ստացված տվյալները եւ ընթացք տալով տարածքային ստորաբաժանման պետի զեկուցագրին՝ Առողջապահական եւ աշխատանքի տեսչական մարմինը սեփական նախաձեռնությամբ վարչական վարույթ է հարուցել Նոյեմբերյանի տարածաշրջանի մի շարք բժշկական ամբուլատորիաների նկատմամբ։
Չինաստանում նոր կորոնավիրուսներով (2019-nCoV) պայմանավորված համաճարակային իրավիճակը դեռևս լարված է: Առողջապահության համաշխարհային կազմակերպության փետրվարի 4-ի տվյալների համաձայն` Չինաստանում արձանագրվել է 20471 հաստատված դեպք` 425 մահվան ելքով, իսկ աշխարհում գրանցվել է 20630 հաստատված դեպք:
Վ. Ա. Ֆանարջյանի անվան ուռուցքաբանության ազգային կենտրոնում 2019-ին կատարվել է չարորակ նորագոյացությունների 2562 վիրահատություն՝ 2018-ի 1850-ի դիմաց:
168 TV-ի «Ռեվյու» հաղորդաշարի եթերում Բեռլինի Շարիտեի համալսարանական կլինիկայում վերապատրաստված, Շենգավիթ ԲԿ-ի կրծքագեղձի վիրաբույժ Սոնա Հայրապետովան, խոսելով օրվա խորհրդի մասին, նշեց, որ այս հիվանդության վերաբերյալ տեղեկացվածության բարձր մակարդակը նպաստում է հիվանդությամբ պայմանավորված մահացությունների թվի կրճատմանը: Մասնագետն ընդգծեց նաև, որ հատկապես տարածված է կրծքագեղձի քաղցկեղը։
Պետությունը քաղցկեղը վաղ կամ նախաքաղցկեղային փուլում հայտնաբերելու նպատակով ավելացնում է սքրինինգային հետազոտությունների թիվը:
Հայաստանում կրծքագեղձի քաղցկեղի 1-3-րդ փուլերի ախտորոշում ունեցող կանայք հնարավորություն կստանան անվճար բուժում ստանալ «Տրաստուզումաբ» թանկարժեք դեղով:
Ինչպես ավելի վաղ հայտարարել էինք՝ նոր կորոնավիրուսի թեստերն արդեն Հայաստանում են: Այս պահին հոսպիտալացված կասկածելի 6 պացիենտներից իրականացվել են նմուշառումներ՝ լաբորատոր հետազոտությունների նպատակով:
ՀՀ առողջապահության նախարար Արսեն Թորոսյանը երեկ ֆեյսբուքյան իր էջում գրել է. «Ստացանք կորոնավիրուսի ախտորոշման լաբորատոր թեստերը։ Դրանք շատ կարևոր են հիվանդության կանխարգելման և բուժման համար։ Մինչ օրս հիվանդությանը բնորոշ ախտանիշներով պացիենտ չենք ունեցել, սակայն այսուհետ կկարողանանք կասկածելի դեպքերում նաև լաբորատոր ստուգում անցկացնել։ Մնացած բոլոր հակահամաճարակային միջոցառումները պատշաճ իրականացվում են»։
168.am-ի հետ զրույցում Առողջապահության նախարարի մամուլի խոսնակ Ալինա Նիկողոսյանն ասաց, որ չնայած ժամկետները դեռ չեն հստակեցվել, թե այս տարի կոնկրետ երբ են անվճար տրամադրելու Հերցեպտին 600 դեղամիջոցը, ամեն դեպքում խոսքը մոտ ժամանակների մասին է: Այս դեղորայքը, որն արժե ավելի քան 600 հազար դրամ, անհրաժեշտ է լինում կրծքագեղձի քաղցկեղով հիվանդ կանանց 20-25 տոկոսին: Մեր ընթերցողների խնդրանքով դեռ անցած տարի էինք ԱՆ հարցում ուղարկել, թե ո՞ր բժշկական կենտրոններն են պետական պատվերի շրջանակներում ուռուցքաբանական ծառայություններ մատուցում: Ստորև ներկայացնում ենք նաև հաստատությունների ցանկը.
Հայաստանում պետպատվերի շրջանակում կատարվել է ախտորոշված չարորակ նորագոյացությունների 4 428 վիրահատական բուժում:
Պետությունը Հայաստանում հաշվառված «հիպոֆիզային գաճաճություն» ախտանիշ ունեցող 43 երեխաների կտրամադրվի աճի հորմոն դեղ:
Հայաստանը սքրինինգային հետազոտություններ անցկացնելու նպատակով ձեռք է բերել մամոգրաֆիայի շարժական սարք, որը Հայաստանում կլինի առաջիկայում:
Պետության կողմից երաշխավորված անվճար պայմաններով գլխուղեղի սուր իշեմիկ կաթվածների բուժման ծրագրով բուժօգնություն է ստացել 345 քաղաքացի:
Հայաստանն արդեն պայմանավորվածություն ունի չինական մի ընկերության հետ և շուտով ձեռք կբերի նոր կորոնավիրուսի ախտորոշման լաբորատոր թեստ:
Կառավարության որոշմամբ «Տուբերկուլոզի դեմ պայքարի ազգային կենտրոն» ՊՈԱԿ-ը վերանվանվում է ԱՆ «Թոքաբանության ազգային կենտրոն» ՊՈԱԿ-ի:
