ՀՀ վարչապետի աշխատակազմը քննարկում է վարչապետ Նիկոլ Փաշինյանին սպասարկելու համար նոր ինքնաթիռի գնման հարցը։ Բնականաբար՝ հարկատուներիս հաշվին։ Նիկոլ Փաշինյանին այլևս չի բավարարում նախկին ղեկավարներին սպասարկած Airbus A319 ինքնաթիռը:
Թվում էր, թե դպրոցական երեխաների պայուսակների էական թեթևացում արձանագրած փաստից անդին այլևս զարմանալու առիթ չենք ունենա։ Բայց, փաստորեն, քչերս ենք գլխի ընկել, որ շուտով 100-ական փաստերով մեզ զարմացնելու էին նաև Նիկոլ Փաշինյանի մարզպետները։ Եվ ահա օրերս Սյունիքի մարզպետարանի պաշտոնական կայքում հրապարակվեց Սյունիքի մարզպետ Հունան Պողոսյանի մեկ տարվա գործունեության վերաբերյալ ամփոփ հաշվետվությունը՝ ոչ ավել, ոչ պակաս, 100 փաստ, իսկ իրականում կարելի է այն անվանել՝ մարզպետի 50 երանգները։ Չենք ցանկանում պնդել, որ մարզպետի թիմը 100 փաստերը մշակելիս ծանրակշիռ և լուրջ աշխատանք չի կատարել, բայց չենք կարող նաև չնկատել, որ բավական ծանրակշիռ աշխատանք կպահանջվի այդ 100 փաստերում նույնքան ծանրակշիռ գեթ 10 լուրջ փաստ գտնելու համար։
«Ես այդ հարցում կմիանամ Վենետիկի հանձնաժողովի նախագահ Ջիաննի Բուքիքիոյի տարածած հայտարարությանը, որով նա իր մտահոգություններն է հայտնել ՍԴ-ի շուրջ տեղի ունեցողի վերաբերյալ, ավելին, կոչ է արել իշխանության ճյուղերին՝ չխառնվել իշխանության այլ ճյուղի գործունեության մեջ»։
«Ոչ մի բանից չի վախենում միայն կատարյալ հիմարը։ Ես 1988 թվականից հետո, իրոք, վախենում եմ, վախեցել եմ կորցնել մեր հայրենիքի մի մասը՝ Լեռնային Ղարաբաղը, ինչը, իհարկե, շատ մեծ վտանգ կլիներ մեզ համար: Տասնյակ-հազարավոր նվիրյալների հետ մենք հաղթահարեցինք դա՝ նայելով վախի աչքերի մեջ: Հիմա ես վախենո՞ւմ եմ, թե՞ չեմ վախենում, հիմա էլ եմ վախենում, վախենում եմ անպատասխանատու պոպուլիստների՝ մեր հայրենիքի համար կործանարար քաղաքականությունից, իմ անձի համար վախենալու ոչ մի բան չունեմ»:
Հոկտեմբերի 29-ին Երևանի ընդհանուր իրավասության դատարանում, դատավոր Դավիթ Հարությունյանի նախագահությամբ, սկսվել էր 2019 թվականի մայիսի 20-ին Ընդհանուր իրավասության դատարանի դատավոր Դավիթ Բալայանի հետ տեղի ունեցած միջադեպի առթիվ քրեական գործ չհարուցելու որոշման դեմ փաստաբան Հրանտ Անանյանի բողոքի քննությունը: Մայիսի 20-ին որոշ քաղաքացիներ վարչապետ Նիկոլ Փաշինյանի կոչով արգելափակել էին դատարանների մուտքերն ու ելքերը:
Արդեն մի քանի օր մամուլը գրում է, որ նոյեմբերի 1-ին Հայաստան կժամանի Վենետիկի հանձնաժողովը, որպեսզի ԱԺ-ում բոլորին համոզեն, որպեսզի ընդունեն Ստամբուլյան կոնվենցիան։ ԱԺ ԲՀԿ խմբակցության պատգամավոր Գևորգ Պետրոսյանը վստահեցրեց, որ հակառակում իրեն որևէ մեկը չի կարող համոզել։
«Հայոց եկեղեցու պատմություն» առարկան պահպանելու որոշման մասին տեղեկատվության չեմ տիրապետում: Խնդիրը հանձնաժողովում քննարկվել է, բայց նման որոշում չի կայացվել: Հարցը քննարկելիս՝ մենք գալիս ենք առարկայի նպատակից՝ ի՞նչ նպատակ ենք հետապնդում՝ այդ առարկան դասավանդելով (սա նաև քննարկել ենք «Հայ ժողովրդի պատմություն» առարկայի շահառուների խմբի հետ)»:
«Դիմում ենք պատասխանատուներին՝ դուք նման որոշման մասին լսե՞լ եք, որ մտնում եք գազալցակայան։ Մոտդ ունես ընդամենը 1000 դրամ, որ պետք է այդ գումարի չափով լցնես՝ մի 30 կմ վարելու համար, չեն լցնում՝ պատասխանելով, թե՝ մեզ մոտ 2000 դրամից է սկսվում: Սա ի՞նչ խայտառակություն է»,- 168.am-ին իր դժգոհությունը հայտնեց վարորդ Արմեն Մինասյանը:
ՀՀ քննչական կոմիտեի նախագահ Հայկ Գրիգորյանի խոսքով՝ Պաշտպանության նախկին նախարար Վիգեն Սարգսյանը չի հրավիրվել հարցաքննության: «Որքանով տեղյակ եմ՝ Վիգեն Սարգսյանը Հայաստանում չէ»,- այս մասին ԱԺ-ում լրագրողների հետ զրույցում ասաց Քննչական կոմիտեի նախագահը:
«168 TV»-ի «Ռեվյու» հաղորդման ընթացքում ամերիկագետ Սուրեն Սարգսյանի հետ զրուցել ենք ԱՄՆ ներկայացուցիչների պալատի կողմից Հայոց Ցեղասպանության վերաբերյալ բանաձևի ընդունման, Թուրքիայի արձագանքի, հայկական կողմի հետագա անելիքների մասին:
Լրագրողի հարցին ի պատասխան՝ նա ասաց, որ ահաբեկչական խմբավորման ղեկավար Նաիրի Հունանյանի հետ հանդիպումը եղել է կուսակցություն ընդունվելիս, այլ հանդիպում չի եղել. «Հանդիպել եմ այն ժամանակ, երբ եկել է կուսակցություն ընդունվելու, եթե փողոցում հանդիպել եմ, բարևել է, չեմ հիշում»:
Այս բանաձևը որևէ կապ չունի նաև նախագահի հետ, որովհետև բանաձևն օրենք չէ, պարզապես Կոնգրեսի ցանկությունն էր՝ դիրքորոշում հայտնել Ցեղասպանության կապակցությամբ, նախագահը պարտավոր չէ որևէ բան անելու այս ուղղությամբ՝ ոչ Ցեղասպանությունն ընդունելու, ոչ արտաբերելու այդ բառը: Թե նախագահը հաջորդ տարի կասի՞ այդ բառը, թե՞ ոչ, չգիտենք, սակայն նախագահ Թրամփը հաճախ անակնկալներ է մատուցում, զարմանալի դիրքորոշումներ է ստանձնում՝ դրական կամ բացասական, որևէ մեկը չի կարող կանխատեսել, թե ինչ դիրքորոշում կունենա որևէ հարցի մասին՝ ներառյալ հայկական Ցեղասպանության մասին՝ հաջորդ տարի գարնանը:
Հատուկ քննչական ծառայության պետ Սասուն Խաչատրյանն այսօր Ազգային ժողովում լրագրողների հետ զրույցում անդրադառնալով ԱԺ աշխատակազմի նախագահի նախկին տեղակալ Արսեն Բաբայանի հետ տեսակցությունների արգելմանը՝ նշեց, որ յուրաքանչյուր դեպքում քննիչն է գնահատում, թե որ խափանման միջոցն է ի զորու ապահովել մեղադրյալի պատշաճ վարքագիծը:
«Այդ գործով որևէ մեկնաբանություն այս պահին չեմ անի, ինչ վերաբերում է Հրայր Թովմասյանին հարցաքննելու իրավունքին, ապա մենք հարցաքննելու իրավունք ունենք ցանկացած անձի»,- ասաց Սասուն Խաչատրյանը:
Պետեկամուտների կոմիտեն հրապարակել է այս տարվա 9 ամիսների խոշոր հարկատուների ցանկը։ Ցանկի համաձայն՝ խոշորների վճարներն ավելացել են, սակայն շատ ավելի դանդաղ, քան, պայմանական ասած, փոքր հարկատուներինը։
Առողջապահության նախարարությունը մի շարք պետական և մասնավոր բժշկական կենտրոններում լիցենզիաներից զրկելու կոշտ քայլերի է անցել, թիրախավորված բուժհաստատությունների ցանկն անցնում է յոթ տասնյակից:
«Թե արդար դատաքննության իրավունքի, և թե կալանավորման օրինականության տեսանկյուններից խախտումներն առկա են, և ՄԻԵԴ-ը դրանց գնահատական պետք է տա: Այսինքն՝ մենք կոնկրետ այս գործով դատական համակարգով այնպիսի լուրջ խնդիրներ ունենք, որ դրանցից տրոհելն է արդեն նույնիսկ դժվարություն ենթադրում: Պատահական չէ, որ մենք այս դիմումների մասով ընթացք ունենք քարտուղարության կողմից, քանի որ, երբ Եվրոպական դատարանի Բարձրագույն պալատը վարույթ է ընդունում, արդեն դրանով իսկ կարևորվում է այս հարցը: ՄԻԵԴ-ի մամլո հաղորդագրությունների մեջ էլ է նշվում, որ գործընթացի մասնակիցներից մեկը ՀՀ երկրորդ նախագահն է»:
Սա շատ կարևոր գործոն է, որովհետև Նիկոլ Փաշինյանը, լինելով լրագրող, շատ լավ հասկանում է լրատվամիջոցների նշանակությունը, հնարավորությունները և, ի վերջո, նա իր հեղափոխությունը մեծավ մասամբ կատարել է մեդիամանիպուլյացիաների հիման վրա: Եվ նա հասկանում է, որ վերցնելով իշխանությունը՝ ինքը պետք է սահմանափակի այլ լրատվամիջոցների գործունեությունը, որպեսզի ինքը չկորցնի իշխանությունը: Այսինքն՝ ինքը շատ ավելի լավ է հասկանում լրատվամիջոցների դերը, խոսքի արժեքը, քան Սերժ Սարգսյանը, Ռոբերտ Քոչարյանը, իրենից առաջ եղածները:
«Պետության հիմքը գիտությունն է, և դա գիտեին և՛ Հովսեփ Օրբելին, ով եկավ և հիմնեց ԳԱԱ-ն, և՛ աշխարհահռչակ աստղաֆիզիկոս Վիկտոր Համբարձումյանը, ով «ատամներով պահում էր»»:
Միայն սեփական մոլուցքի կամ սեփական պատկերացումների, որովհետև խոսքը չի գնում արդարության մասին. արդարությունը եկավ-կանգնեց հենց Հրայր Թովմասյանի կամ Գագիկ Հարությունյանի գլխի՞ն. դա այն աբսուրդն է, որով կարելի է ցանկացածի դեմ մի բան հայտնաբերել։
«Ցավոք սրտի, մենք այս գործընթացներում ոչ թե գործընթացը ղեկավարողն ենք, ոչ թե սուբյեկտ ենք, այլ օբյեկտ ենք, որովհետև, անկախ մեր կամքից, երբեմն հարցն ընդգրկվում է տարբեր պետությունների օրակարգում և հանգուցալուծվում է իրենց նպատակահարմար սցենարով»:
Փոփոխվող խաղի կանոնները, որոշում կայացնելու կամ այն իրագործելու անկարողությունը, վարչարարական տկարությունն այնքան մեծ մասշտաբների են հասել, որ դա շատ ավելի շոշափելի է, քան կոռուպցիայի դեմ պայքարը: Իսկ դրանից վատ բան բիզնեսի համար չկա:
Տարածքային կառավարման և ենթակառուցվածքների նախարար Սուրեն Պապիկյանն ԱԺ նախկին նախագահ Արա Բաբլոյանին առաջադրված մեղադրանքին և ԱԺ աշխատակազմի նախագահի տեղակալ Արսեն Բաբայանի ձերբակալությանը վերաբերվում է այնպես, ինչպես մյուս բոլոր իրավական գործընթացներին: Այս մասին լրագրողների հետ զրույցում ասաց Սուրեն Պապիկյանը:
«Պարգևավճար ստացել են մարզպետարանի բոլոր աշխատակիցները, իսկ այս պահին մենք շուրջ 100 աշխատակից ունենք։ Նախորդ տարվա տարեմուտին մարզային ենթակայության հաստատությունների գրեթե 90 տոկոս աշխատակիցներ պարգևատրվել են, օրինակ՝ մարզպետարանի ենթակայության տակ գործող հանրակրթական դպրոցներ, բուժհաստատություններ և այլն»:
Լրագրողի հարցին՝ չե՞ք կարծում, որ Հունանյանը կարող է արժեքավոր տեղեկություններ հաղորդել, նախարարը պատասխանել է. «Եթե արժեքավոր տեղեկություններ կարող է հաղորդել, դա պետք է հետաքրքրի իրավապահ մարմիններին, ոչ թե ինձ»։
ԱԺ-ում շարունակվում է 2020 թվականի պետական բյուջեի նախագծի քննարկումը:
Հայաստանի Հանրապետության վարչապետ Նիկոլ Փաշինյանը շեշտում է, որ Հայաստանին մատակարարվող գազնի գնի հարցում Հայաստանն ու Ռուսաստանը կհանգեն դաշնակցային որոշման:
«Փոփոխվող Մերձավոր Արևելքը և Հայաստանի անվտանգային միջավայրը». Պանելային քննարկման խոսնակներն են՝ միջազգայնագետ Սուրեն Սարգսյանը, իրանագետ Վարդան Ոսկանյանը, քաղաքական մեկնաբան Կարեն Բեքարյանը և ադրբեջանագետ Անժելա Էլիբեգովան:
«Արա Բաբլոյանը որևէ կապ չունի ոչ իշխանության յուրացման, ոչ էլ պաշտոնեական կեղծիք կատարելու հետ: Նա փաստաթուղթ չի կեղծել, բռնությամբ կամ այլ խախտումով էլ չի տիրացել ո՛չ պետական իշխանության ճյուղերից որևէ մեկին, ո՛չ էլ Սահմանադրական դատարանի լիազորություններին: Նրան առաջադրված մեղադրանքները բացարձակապես անհիմն են»,- ասել է պաշտպանը:
Քաղաքական և քաղաքականամերձ շրջանակների համար, արդեն քանի օր է, թիվ 1 խնդիրն Արսեն Բաբայանի ձերբակալությունն է։ Սա ակնհայտ, բայցև զարմանալի փաստ է, քանի որ կարծես թե հեղափոխությունը նրա համար չէինք արել, որ Արսեն Բաբայանը ձերբակալվեր, այլ նրա համար, որ լավ ապրենք:
