«Երևանում կանաչապատում չի իրականացվում, թող Հայկ Մարությանը վերցնի իր ուղիղ եթերի սարքը և ցույց տա գեթ մեկ ծառ, որը տնկել է այս երկու տարիների ընթացքում։ Մեկ ծառ չտնկողն իրավունք չունի մեր առողջ ծառերը հատել։ Ծառերը հատում են և գումար են աշխատում, ի դեպ, գումար աշխատողներն էլ պետք է լինեն Հայկ Մարությանի մտերիմ շրջապատից»,- այսօր լրագրողների հետ հանդիպմանն ասաց «Երևանի այլընտրանքային քաղաքապետարան» նախաձեռնության ղեկավար Սոնա Աղեկյանը՝ անդրադառնալով Մաշտոցի պուրակի ծառահատմանը։
«Երևանի այլընտրանքային քաղաքապետարան» նախաձեռնության ղեկավար Սոնա Աղեկյանն այսօր լրագրողների հետ հանդիպմանն անդրադարձավ Մաշտոցի պուրակում տեղի ունեցող ծառահատմանը։
Բուհեր չընդունված դիմորդները վաղը պատրաստվում են դիմել Կրթության, գիտության, մշակույթի և սպորտի նախարար Արայիկ Հարությունյանին։ Այս մասին ֆեյսբուքյան իր էջում տեղեկացրել էր բուհ չընդունված դիմորդ Հայկ Բաբալյանը. «Մեր պայքարի սկզբից հանդիպում ենք պահանջում Արայիկ Հարությունյանի հետ։ Օրեր շարունակ մեր պահանջն անտեսվում և մերժվում էր։
ՀՀ ոստիկանության լրատվական ծառայության նախկին պետ, գնդապետ Սայաթ Շիրինյանի խոսքով՝ արտակարգ դրության երկարաձգումը նպատակ չի հետապնդում հասարակությանը պաշտպանելու կորոնավիրուսից։ Այլ այն իշխանությունների հերթական փորձն է՝ իրենց իշխանության ժամկետը երկարաձգելու համար։
ՀՀ ոստիկանության լրատվական ծառայության նախկին պետ, գնդապետ Սայաթ Շիրինյանն այսօր լրագրողների հետ հանդիպմանն անդրադառնալով Երկրորդ նախագահ Ռոբերտ Քոչարյանի վերջին հարցազրույցին, շեշտեց, որ հարցազրույցին արձագանքողներից մեկը եղել է ԱԺ «Իմ քայլը» խմբակցության պատգամավոր Անդրանիկ Քոչարյանը։
«Խայտառակություն է, երբ ոստիկանը, հաղթանդամ տղամարդը երիտասարդ կանանց, աղջիկների ձեռնաշղթաներով բերման է ենթարկում ոստիկանության բաժին, քանի որ դիմակ չեն կրել, սա կորոնավիրուսի դեմ պայքա՞ր է։ Կան իրավիճակներ, երբ ծառայողական պարտականությունների մեջ կարելի է մի փոքր թերանալ, բայց թույլ չտալ բարոյական սխալներ։ Ես չեմ հասկանում, այդ ոստիկանը, որը տուն է գնում, ի՞նչ խղճով է հաց ուտում, ի՞նչ խղճով է նայում իր երեխաներին, երբ մի երեխայի երիտասարդ մորը ենթարկում է տուգանքի դիմակ չկրելու համար»,- այսօր լրագրողների հետ հանդիպման ժամանակ ասաց Սայաթ Շիրինյանը։
ՀՀ ոստիկանության լրատվական ծառայության նախկին պետ, գնդապետ Սայաթ Շիրինյանի խոսքով՝ Կառավարությունն անարդյունավետ աշխատանքի արդյունքում ձախողել է կորոնավիրուսի դեմ պայքարը։ Հետևաբար՝ վերջին ժամանակահատվածում փորձում են այդ ձախողումները բարդել ժողովրդի վրա։
ՀՀԿ գործադիր մարմնի անդամ, ՀՀԿ խոսակ Էդուարդ Շարմազանովի խոսքով՝ ինչպե՞ս կարելի է Նիկոլ Փաշինյանի ապաշնորհությունը փրկելու համար սուտ տարածել և ԱԳՆ-ի մակարդակով ասել, թե Վիեննա, Սանկտ Պետերբուրգ համաձայնություն չի էլ եղել։
«Նորաթուխ իշխանություններին և գործիչներին խորհուրդ կտայի Թուրքիան չճանաչելով, չիմանալով թուրքական ռազմավարությունը, հակահայկականությունը և պանթուրքիզմի պլանները՝ չստանձնել Թուրքիայի փաստաբանի դերը և ասել՝ Թուրքիան կհարձակվի Հայաստանի վրա, թե՝ ոչ։ Եթե Թուրքիան չհարձակվի Հայաստանի վրա, ապա չի հարձակվի միայն մի պատճառով՝ 102-րդ ռազմաբազայի»,- այսօր լրագրողների հետ հանդիպմանը նշեց Էդուարդ Շարմազանովը՝ անդրադառնալով «Իմ քայլը» խմբակցության ղեկավար Լիլիթ Մակունցի այն խոսքին, թե Թուրքիան չի հարձակվի Հայաստանի վրա։
ՀՀԿ գործադիր մարմնի անդամ, ՀՀԿ խոսնակ Էդուարդ Շարմազանովն այսօր լրագրողների հետ հանդիպման ընթացքում անդրադարձավ նաև հայազգի ռուսաստանաբնակ լրագրող Մարգարիտա Սիմոնյանի վերջերս շրջանառված ֆեյսբուքյան գրառմանը՝ նախ նշելով դրանում տեղ գտած որոշ կետերի հետ իր որոշակի անհամաձայնությունը:
ՀՀԿ գործադիր մարմնի անդամ, ՀՀԿ խոսնակ Էդուարդ Շարմազանովի խոսքով՝ հայագիտության դեմ արշավը նոր չէ, որ սկսվել է, գուցե այն այսօր ավելի տեսանելի է դարձել, սակայն այդ արշավը երկու տարի շարունակ տեղի է ունենում:
«Արամի 23 հասցեում գտնվող շենքի վիճակը նույնն է, որևէ առաջընթաց տեղի չի ունեցել, շենքն ինչպես կար 1,5 տարի առաջ, այդպես էլ այսօր է։ Մեր բոլոր 1,5 տարվա ջանքերը՝ փորձելու մի բան անել և որոշ պետական պաշտոնյաների ստիպել մեզ հետ միասին այդ գործընթացում աշխատել՝ մեզ որևէ տեղ չտարավ»,- 168.am-ի հետ զրույցում ասաց «Հայաստանի փոքրիկ երգիչներ» երգչախմբի ղեկավար և գլխավոր դիրիժոր Տիգրան Հեքեքյանը։
«Սպասելու են՝ բոլորը «վարի» գնա՞ն, որ օգնությունը տրամադրե՞ն, ամեն դեպքում այս օգնությունն ուշացած է։ Ճգնաժամի հինգերորդ ամիսն է, և այդ ընթացքում Կառավարությունը հանդիպում է այն տնտեսվարողների հետ, որոնք չունեին բողոք։ Ստացվում է ինչ-որ անտրամաբանական բան՝ այն մարդիկ, որոնք բողոքում են՝ շարունակում են մնալ իրենց բողոքի պահանջատերը, իսկ մարդիկ, որոնք հանդիպել են վարչապետին՝ բազմիցս հայտարարել են, որ խնդիրներ չեն տեսնում։ Հանդիպման հաղորդագրության մեջ նշված է, որ մասնավոր հատվածի ներկայացուցիչները գոհունակություն են հայտնել Կառավարության կողմից իրականացվող հակաճգնաժամային տնտեսական միջոցառումների մասով։ Մենք ունենք հակառակ կարծիքը՝ օժանդակությունը զրոյական էր, հասցեական չէր և ռեալ օժանդակություն չկար։ Ավելին՝ կարող է օժանդակություն առհասարակ չտալ, թող տնտեսությունն ազատականացնեն՝ հանեն արտակարգ դրությունը, սա է անհրաժեշտ բիզնեսին»,- հավելեց Աշոտ Բարսեղյանը։
«Դեռևս վերջնական որոշում չենք կայացրել, սակայն արդեն տեղի է ունեցել տնօրինության նիստ, որի ժամանակ որոշվել է, որ պետք է հրավիրենք Ազգային անվտանգության ծառայության ուշադրությունն այն խնդրի վրա, որի մասին բարձրաձայնել ենք։ Խնդիրն այն է, որ Լիլիթ Մկրտչյանը, որը «Հայոց պատմություն», «Համաշխարհային պատմություն», «Հասարակագիտություն» առարկաների չափորոշիչները մշակող փորձագետների թիմի ղեկավարն է, հեղինակել է «Պատմության ուսուցումը Թուրքիայի և Հայաստանի դպրոցներում. քննադատություն և այլընտրանքներ» աշխատությունը, որտեղ ներկայացված է, թե ինչ չափորոշիչներով պետք է Հայաստանում և Թուրքիայում կազմվեն պատմության գրքերը։ Սա մտահոգիչ չէ՞»,- այս մասին 168.am-ի հետ զրույցում ասաց ԳԱԱ Պատմության ինստիտուտի տնօրեն Աշոտ Մելքոնյանը։
«Վերջին անգամ երբ երկարաձգեցին արտակարգ դրության ժամկետը, այնտեղ արդեն զգալի քաղաքական բաղադրիչ կար և զգալի մասով այդ ամենը պայմանավորված էր հենց քաղաքական բաղադրիչով։ Դրանով փորձեցին սահմանափակել բողոքի ցույցերը, քաղաքական գործունեությունը և այլն։ Հիմա կարծում եմ՝ այդ բաղադրիչն առավել ևս կլինի, հատկապես, որ իշխանությունը վերջին 1-2 օրվա ընթացքում սկսել է հայտարարել, որ համավարակի մեջքը կոտրվում է, չնայած հիմա ավելի զգուշորեն են հայտարարում։ Կարծում եմ, եթե այժմ կրկին երկարաձգեն արտակարգ դրության ժամկետը, ապա քաղաքական բաղադրիչն այնտեղ առավել մեծ է լինելու»,- ասաց Վիգեն Հակոբյանը։
«Առիթ ունեցել եմ ասելու, որ ԱԱԾ ներկայիս ղեկավարն ուղիղ սպառնալիք է ՀՀ ազգային անվտանգության համար։ Նրա յուրաքանչյուր օր ավելի մնալն այդ պաշտոնում վտանգում է մեր երկրի անվտանգային համակարգը։ Առաջիկայում ավելի մանրամասն կխոսեմ այս մասին։ Միայն այն, որ այդ մարդը չունի որևէ փորձ հետախուզական, հակահետախուզական ոլորտներում, ահաբեկչության դեմ պայքարի և այլ ոլորտներում։ Այսօրվա ինձ ԱԱԾ հրավիրելը և այդ շինծու գործն ինձ մեղսագրելը դրա ուղիղ ապացույցն է»,- ասաց Արթուր Վանեցյանը։
«Ցանկացած իշխանության, իհարկե, անհրաժեշտ է հզոր ընդդիմություն։ Շատ անհամեստ թող չթվա, բայց մենք կարող ենք լինել և կանք այս իշխանությունների համար շատ հզոր և վախենալու ընդդիմություն»,- այս մասին Արտաշատում լրագրողների հետ կարճ ճեպազրույցում ասաց ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցանը՝ պատասխանելով 168.am-ի հարցին, թե «Հայրենիք» կուսակցությունը կարո՞ղ է լինել իշխանությունների համար հզոր ընդդիմություն, քանի որ, ըստ Երկրորդ նախագահ Ռոբերտ Քոչարյանի՝ Հայաստանում այսօր պակասում է հզոր ընդդիմությունը։
ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը վստահ է՝ արտակարգ դրության երկարաձգումն ունի բացառապես քաղաքական դրդապատճառներ։
Այսօր 168.am-ը ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանին հարց ուղղեց, թե պաշտոնավարման ընթացքում որքա՞ն պարգևավճար է ստացել և առհասարակ ինչպե՞ս է վերաբերվում այսօր տարբեր գերատեսչություններում տրվող բարձր պարգևավճարներին։
ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանն այսօր Արտաշատում համակիրների հետ հանդիպմանը հույս հայտնեց, որ, երբ ավարտվի արտակարգ դրությունը, մեծ հավաք կանցկացնեն, որտեղ կներկայացնեն իրենց մոտեցումներն ու ծրագրերը, թե ինչպես և ինչ ճանապարհով պետք է ազատվեն ներկայիս հակապետական իշխանություններից։
Արարատի մարզի Արտաշատ քաղաքում այսօր բացվեց «Հայրենիք» կուսակցության գրասենյակը, որի բացմանը ներկա էր կուսակցության ղեկավար, ԱԱԾ նախկին տնօրեն Արթուր Վանեցյանը։
ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանի փաստաբան Լուսինե Սահակյանը լրագրողներին փոխանցեց, որ Արթուր Վանեցյանը հրավիրվել էր ԱԱԾ բացատրություն տալու։
ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանն այսօր լրագրողների հետ ճեպազրույցում անդրադարձավ իր և ՀՀ երկրորդ նախագահ Ռոբերտ Քոչարյանի հետ հանդիպման վերաբերյալ խոսակցություններին։
«ԱԱԾ են հրավիրել մի անհեթեթ գործի շրջանակներում, որևէ կարգավիճակ չունեմ, նյութերի նախապատրաստման շրջանակներում հրավիրվել եմ բացատրություն տալու։ Որևէ պարտավորություն չունեի գալու, բայց հարգելով ինստիտուտը եկել եմ, սակայն հրաժարվել եմ բացատրություն տալուց։ Իրականում այս գործը ոչնչի մասին է»,-այսօր առավոտյան ԱԱԾ շենքից դուրս գալուց հետո լրագրողների հետ ճեպազրույցում ասաց ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը։
Այսօր առավոտյան ժամը 10-ին Ազգային անվտանգության ծառայության նախկին ղեկավար, «Հայրենիք» կուսակցության ղեկավար Արթուր Վանեցյանը եկավ ԱԱԾ։ Երեկ նա ծանուցագիր էր ստացել ներկայանալու Ազգային անվտանգության ծառայություն։ Լրագրողների հետ Ա.Վանեցյանը չխոսեց, խոստանալով դուրս գալուց հետո խոսել։
ՀՀ երկրորդ նախագահ Ռոբերտ Քոչարյանը երեկ հարցազրույց է տվել «5-րդ ալիք», «Երկիր Մեդիա» և «Հ2» հեռուստաընկերություններին։ Հարցազրույցի ընթացքում Ռոբերտ Քոչարյանն անդրադարձել է տավուշյան դեպքերին, Արցախի հիմնահարցի բանակցային գործընթացին, ՀՀ իշխանությունների կողմից վարվող քաղաքականությանը, կորոնավիրուսային իրավիճակին, երկրի արտաքին քաղաքականությանը և այլ հարցերի։
Տարածքային կառավարման նախարար Սուրեն Պապիկյանն այսօր Կառավարությանն առաջարկեց Պետական գույքի և կառավարման կոմիտեին ամրացված պետական սեփականություն հանդիսացող 9905,21 քմ ընդհանուր մակերեսով շենք-շինություններ և դրանց զբաղեցրած օգտագործման և սպասարկման համար հատկացված 3,3 և 0,04 հեկտար մակերեսներով բաժնային սեփականություն հանդիսացող հողամասն օտարել մրցույթով։
Աշխատանքի և սոցիալական հարցերի նախարար Զարուհի Բաթոյանն այսօր Կառավարության նիստում հայտնեց, որ 2019 թվականի ընդունած որոշման համաձայն՝ մեկնարկել է մանկատան շրջանավարտներին բնակարաններով ապահովելու միջոցառումը։
Կառավարության այսօրվա նիստում քննարկվեց և ընդունվեց «Հողամաս հետ վերցնելու և անհատույց օգտագործելու իրավունքի մասին» Կառավարության որոշման նախագիծը։
Աշխատանքի և սոցիալական հարցերի նախարար Զարուհի Բաթոյանը Կառավարության այսօրվա հերթական նիստում ներկայացրեց միայնակ կենսաթոշակառուներին աջակցության մի նախագիծ։ Ըստ նախարարի՝ ՀՀ սոցիալական բնակարանային ֆոնդի կացարաններում ներկա դրությամբ բնակվում է ավելի քան 250 անձ, որոնցից 74-ը միայնակ են։
