«Կիբերտեռորիզմի դեմ առավել արդյունավետ պայքարելու համար կպահանջվի երկրների ու պետությունների առավել սերտ համագործակցությունը: Սա է միակ ելքը, իսկ այդ համագործակցության սկիզբը պետք է դնել արդեն հենց հիմա»,- «168 Ժամին» տված բացառիկ հարցազրույցում ասում է Եվգենի Կասպերսկին:
Ոստիկանության Իջևանի բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ Բագրատաշենի սահմանային անցակետում հայտնաբերվել և բերման է ենթարկվել 1989 թ. ծնված Ավագ Ռ.-ն:
Վոլգոգրադի շրջանի Տրակտորոզավոդսկի շրջանում տեղի է ունեցել զանգվածային ծեծկռտուք: Զանգվածային ծեծկռտուքի պատճառը եղել է մի քանի մասնակցի միջև ծագած կոնֆլիկտը: Ծեծի նախօերին երիտասարդները հանդիպել էին այգում ու նրանց միջև լեզվակռիվ էր տեղի ունեցել, հայտնում է LifeNews-ը:
«Ռուսաստանի ու ԱՊՀ-ի մաթեմատիկայի լավագույն ուսուցիչ» է ճանաչվել Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցի ուսուցիչ Նիկիտա Պողոսյանը:
Գործադիրը սահմանել է այն ապրանքների ցանկը, որոնց ներմուծման դեպքում հաշվարկված մաքսատուրքի վճարման ժամկետը կարող է փոփոխվել և որոնք նախատեսված են օգտագործելու արդյունաբերական վերամշակման ընթացքում:
«Ռեալի» գլխավոր մարզիչ Ռաֆա Բենիտեսն իր գոհունակությունն է հայտնել Չեմպիոնների լիգայի խմբային փուլի 5-րդ տուրում դոնեցկյան «Շախտյորի» հետ անցկացրած արտագնա խաղի արդյունքներից: «Սերուցքայինները» մինչև 77-րդ րոպեն հաղթում էին 4:0 հաշվով, բայց վերջում բաց թողեցին 3 գնդակ:
Այսօր Բաքու կայցելի Թուրքիայի արտգործնախարար Մևլյութ Չավուշօղլուն: Այս մասին նա գրել է Twitter-ի իր միկրոբլոգում:
Թուրքիայի նախագահ Ռեջեփ Թայիթ Էրդողանը հայտարարել է, որ իր երկրի օդային սահմանները խախտելու դեպքում կլինի նույնպիսի պատասխան, ինչպիսին ռուսական «Սու-24» ռմբակոծիչ ինքնաթիռի հետ տեղի ունեցած դեպքն էր:
Հաշվի առնելով, որ նոյեմբերի 29-ը հանգստյան և ոչ աշխատանքային օր է, և քաղաքացիների՝ ՀՀ ընտրական օրենսգրքով սահմանված իրավունքները լրիվ ծավալով ապահովելու նպատակով, ՀՀ ոստիկանության անձնագրային և վիզաների վարչությունը, ինչպես նաև տարածքային անձնագրային ծառայությունները, նոյեմբերի 28-ին և 29-ին՝ շաբաթ և կիրակի ոչ աշխատանքային օրերին, աշխատելու են ժամը 10-ից 18-ը՝ հերթափոխով:
ԱՄՆ-ը նվազագույնը 50 զինծառայող է ուղարկել Սիրիայի հյուսիում գտնվող Քոբանի քաղաք, հայտնում է Al Mayadeen-ը: Զինվորականներն աջակցելու են քրդերին ԴԱԻՇ-ի դեմ պայքարում:
Նա նշեց, որ այն օրերին, երբ Մելիք Ադամյան փողոցի գրասենյակում ՀՀԿ-ն նիստ է հրավիրում, լրագրողներն ամբողջությամբ այնտեղ են, որովհետև բոլոր որոշումները, որոնք վերաբերում ենք մեր պետությանը, ընդունվում են այնտեղ. «Կուսակցական գրասենյակում նստած են Հանրապետության, ԱԺ-ի նախագահները, վարչապետը, կառավարության անդամները և քննարկվում է որևէ հարց, այսինքն՝ շատ պետական խնդիրներ լուծվում են կուսակցական մթնոլորտում, որտեղ հակակշիռների մեխանիզմը կարող է և չգործել: Հիմա, եթե մենք գնում ենք այն ուղղությամբ, ինչ պահանջում է ընդդիմությունը, ապա պետք է ողջունեն և օգնեն մեզ, որպեսզի մենք կարողանանք դա իրականացնել»:
Ադրբեջանը ցավում է, որ թուրք-ռուսական հարաբերություններն այդքան սրվել են: Այս մասին Twitter-ի իր պաշտոնական էջում գրել է Ադրբեջանի նախագահ Իլհամ Ալիևի ադմինիստրացիայի ղեկավարի տեղակալ, արտաքին կապերի բաժնի վարիչ Նովրուզ Մամեդովը:
ՌԴ կառավարությունը հանձնարարել է տնտեսական ու մարդասիրական ոլորտներում համապատասխան միջոցառումներ մշակել ի պատասխան Թուրքիայի ագրեսիայի, հայտարարել է Ռուսաստանի վարչապետ Դմիտրի Մեդվեդևը: Այս մասին տեղեկացնում է RIA Novosti-ն:
Մենք ամեն տարի նշում ենք այս տոնը ու կարեւորում ձեր չափազանց պատասխանատու եւ պահանջված աշխատանքը մեր երկրի կյանքում ու Արցախի պետականաշինության գործընթացում:
Նոյեմբերի 25-ի խուզարկության արդյունքում ՀՀ ԱԱԾ աշխատակիցները տարել են «Ռադիո Մարիամ Հայաստան»ռադիոկայանի տեխնիկան: Ռադիոկայանի պատասխանատուներից ոչ մեկն աշխատակիցների խոսքով իրենց որևէ բացատրություն չի տվել, սովորականի նման եկել են աշխատանքի ու տեսել, որ տարածքը տակնուվրա է արված:
Դեկտեմբերի 7-ը պետք է դառնա հարության օր. Րաֆֆի Հովհաննիսյանի ուղերձը:
Մի քանի մարդ է տուժել այսօր Բաքվի Նարդարան ավանի բնակիչների ու ոստիկանության աշխատակիցների միջև տեղի ունեցած բախումների հետևանքով, հայտնում է ադրբեջանական Contact.az կայքը:
Արձագանքելով նոյեմբերի 13-ին Փարիզում տեղի ունեցած ահաբեկչություններին՝ Եվրախորհրդարանն ընդունել է բանաձև, որը միջոցառումներ է առաջարկում ահաբեկչության ու երիտասարդության արմատականացման դեմ պայքարի համար, տեղեկացնում է korrespondent.net-ը:
Բացառիկ. Ինչպես է տեղի ունեցել ռուսական «Սու-24» ինքնաթիռի օդաչուի փրկության օպերացիան:
Սիրիական բանակի մարտիկները ոչնչացրել են զինյալի, որը առնչություն ունի Լիբանանի մայրաքաղաք Բեյրութում տեղի ունեցած ահաբեկչությունների հետ: Դրանք խլել էին ավելի քան 40 մարդու կյանք: Այս մասին հայտնում է լիբանանյան «Ալ-Մանար» հեռուստաալիքը:
Շաբաթներ առաջ 168.am-ը ահազանգ էր ստացել այն մասին, որ Օհանավան համայնքում գտնվող 4-13 դդ. թվագրված Սբ. Հովհաննավանք եկեղեցու (տեղակայված Քասախի կիրճի աջ եզրին՝ քարանձավի վրա) քարանձավը փլված է, իսկ եկեղեցի այցելող հավատացյալների կյանքը՝ վտանգված:
Նոյեմբերի 27-28-ին, 30-ի ցերեկը, դեկտեմբերի 1-ի գիշերը սպասվում է առանց տեղումների եղանակ, 29-ի օրվա երկրորդ կեսին, 30-ի գիշերը, դեկտեմբերի 1-ի ցերեկը սպասվում են տեղումներ:
«Մենք բացարձակապես անբացատրելի ենք համարում դավաճանական՝ թիկունքից հասցված հարվածները նրանցից, ում համարում էինք դաշնակիցներ հակաահաբեկչական պայքարում»,- ասել է նա՝ ընդգծելով, որ նկատի ունի երկու օր առաջ Սիրիայում ռուսական «Սու-24» ինքնաթիռի հետ կատարվածը:
Պաշտպանության բանակի առաջապահ զորամասերը լիակատար վերահսկողություն են պահպանում առաջնագծում և անհրաժեշտ քայլեր ձեռնարկում մարտական դիրքերի պահպանությունը հուսալիորեն կազմակերպելու համար:
Իրանի խորհրդարանի խոսնակ Ալի Լարիջանին հայտարարել է, որ Թուրքիայի իշխանությունները սխալ են թույլ տվել՝ խոցելով ռուսական ռազմական ինքնաթիռը, սակայն ավելի շատ սխալվել է ԱՄՆ-ը՝ աջակցելով Թուրքիայի իշխանությունների գործողություններին, հայտնում է Press TV-ն:
«ՖԱՖ-ն ինձ չի հետաքրքրում, կարող են ամեն օր էլ ցույցեր անել: Մենք ավելի լուրջ խնդիրներ ունենք լուծելու»,- նշեց Ռ. Հայրապետյանը:
Նոյեմբերի 26-ին Թբիլիսիում կանցկացվեն Եվրոպական միության Արևելյան գործընկերության անդամ պետությունների արտաքին գործերի և առողջապահության նախարարների ոչ պաշտոնական հանդիպումներ, որոնց կմասնակցի նաև ՀՀ առողջապահության նախարար Արմեն Մուրադյանի գլխավորած պատվիրակությունը:
Ռուսաստանը նոր սերնդի С-400 զենիթահրթիռային համակարգեր է տեղակայել Սիրիայում, հայտնում է RIA Novosti-ի թղթակիցը:
ՀՀ քննչական կոմիտեի Երևանի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով կատարված քննությամբ պարզվել են հայաստանյան բանկերից մեկի իրավաբանական վարչության պետ, 32-ամյա Հ.Աթանյանի սպանության մի շարք հանգամանքներ, շարժառիթը, առերևույթ հանցագործություն կատարած անձի ինքնությունը։
Associated Press գործակալությունը տարածել է թուրք զինվորականների աուդիոձայնագրությունները՝ նախազգուշացումներով, որոնք ուղղված են եղել Սիրիայում կործանված «Սու-24» ռմբակոծիչ ինքնաթիռի անձնակազմին:
