Սիրիայում ոչնչացվել է Բեյրութի ահաբեկչությունների հետ առնչություն ունեցող ահաբեկիչներից մեկը
Սիրիական բանակի մարտիկները ոչնչացրել են զինյալի, որը առնչություն ունի Լիբանանի մայրաքաղաք Բեյրութում տեղի ունեցած ահաբեկչությունների հետ: Դրանք խլել էին ավելի քան 40 մարդու կյանք: Այս մասին հայտնում է լիբանանյան «Ալ-Մանար» հեռուստաալիքը:
Դեռևս տեղեկություն չկա, թե ինչ ահաբեկչական խմբավորման հետ է կապ ունեցել ծայրահեղականը:
Ավելի վաղ Reuters-ը հայտնել էր, թե ահաբեկչության պատասխանատվությունն ստանձնել է ԴԱԻՇ-ը:
Նոյեմբերի 12-ին երկու պայթյուն էր որոտացել Բեյրութի հարավում՝ Բուրջ-ալ-Բարաջնա շրջանում, որտեղ հիմնականում բնակվում են «Հեզբոլլահ» կուսակցության անդամները: Մոտ 200 մարդ վնասվածք էր ստացել, 41 մարդ զոհվել էր:
Ահաբեկչություններն իրականացրել էին մահապատ ահաբեկիչները:
