Մոլդովայի ղեկավարությունը պահանջում է երկրի տարածքից դուրս բերել ռուս խաղաղապահներին
Ռուսական Rosbalt լրատվական գործակալության փոխանցմամբ՝ Մոլդովայի ղեկավարությունը պահանջել է երկրի տարածքից դուրս բերել ռուս խաղաղապահներին և նրանց փոխարինել միջազգային մանդատով քաղաքացիական առաքելությամբ:
Այս մասին հայտարարել է Մոլդովայի նախագահ Նիկոլաե Տիմոֆտին. «Հանրապետության իշխանությունները պնդում են Դնեստրի անվտանգության գոտում գտնվող ռուս խաղաղապահներին փոխարինել միջազգային մանդատով քաղաքացիական առաքելությամբ:
Սակայն Մոսկվան դեմ է արտահայտվում այդ առաջարկներին, Տիրասպոլի անջատողական ռեժիմին ցուցաբերում է քաղաքական, ռազմական ու ֆինանսական աջակցություն»:
Ընդգծվում է, որ ավելի վաղ Մոլդովան նույնպես հանդես է եկել այդպիսի առաջարկներով:
