Հույնեմ ձեր կառավարությունը. «ՀԺ»
«ՀԺ»-ն գրում է. ՀՀ արդարադատության նախարար Հրայր Թովմասյանին երեկ կառավարության մամուլի սրահում մի քանի հարց ուղղեցինք։
– Պարոն Թովմասյան, գործող կառավարությունը տապալել է իր բոլոր ծրագրերը, բոլոր ցուցանիշները, որոնք թիրախավորվել է, հիմա էլ պարզվել է, որ Սահմանադրությանը հակասող մի մեծ բարեփոխում է մշակել։ Էլ ի՞նչ է պետք, որ կառավարությունը հրաժարական տա։ Դրանից ավել էլ ինչ պիտի լինի, որ նման կառավարությունը ի վերջո հրաժարական տա։
– Մեծ ցանկության կա մի փոքր այլ տոնայնությամբ, շեշտադրումներով պատասխանել, բայց պիտի փորձեմ զուտ սահմանադրական իրավունքի շրջանակներում մնալ։
– Պատասխանեք ինչ տոնայնությամբ կցանկանաք, պարոն Թովմասյան։
– Դրանք քաղաքական պրոցեսներ են։ Կա քաղաքական մեծամասնության, որը կարող է անվստահություն հայտնել, խնդրեմ, պատրաստ ենք լսելու։ Եթե ձեր տրամաբանությամբ փորձեինք շարունակել, ապա առնվազն 2006 թվականից հետո Հայաստանի հանրապետությունում պետք է 60 կառավարություն հրաժարականներ տված լինեին…։ Եթե ձեր տրամաբանությունը լիներ, ապա Սահմանադրությունը կսահմաներ՝ եթե ՍԴ-ն կառավարության նախաձեռնությամբ Աժ-ի կողմից ընդունված ակտը համարում է հակասահմանադրական, կառավարությունը հրաժարական է տալիս…։
– Ես հարցը քաղաքական առումով եմ տալիս ոչ թե իրավական։ Կառավարություն, որը ապահովել է աշխարհում ամենաբարձր տնտեսական անկում, աղքատությունը գրեթե կրկնակի խորացրել է, բոլոր ցուցանիշները տապալել է…
– Հույները ասում էին, յուրաքանչյուր կատեգորիկություն թերուսության արդյունք Է։ Դա ես չեմ ասում։ Ընդամենը մի օրինակ «Դուինզ բիզնեսով» առաջընթաց ենք արձանագրել, իրավաբանական անձանց գրանցման գործընթացում մենք աշխարհում 80-ից հասել ենք 6-րդ տեղը հասնելը կառավարության համար ավելի կարևոր է, քան աղքատության խորացումը, տնտեսական անկումը, իր իսկ կողմից կազմված բոլոր ծրագրերի հիմնահատակ տապալումը։
Կարդացեք «Հայկական Ժամանակի» այսօրվա համարում։
