Ռուսաստանն արձագանքել է Թրամփի մահվան մասին լուրերին
Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ ԱՄՆ նախագահ Դոնալդ Թրամփի մահվան մասին լուրերի հետևում կարող են կանգնած լինել չարակամ մարդիկ։ Նրա խոսքերը փոխանցում է ՏԱՍՍ-ը։
«Անկեղծ ասած՝ ես հետևել եմ այս ամենին… Կարծում եմ՝ նրա հանդեպ ոչ բարեկամական տրամադրված հսկայական թվով մարդիկ կան հենց այն պատճառով, որ նա բարձրաձայնում է այնպիսի բաներ, որոնք արգելված էին Ամերիկայի Միացյալ Նահանգներում»,- ասել է նա։
Միևնույն ժամանակ, Զախարովան նշել է, որ չարակամները կօգտագործեն ցանկացած մեթոդ՝ ամերիկացի առաջնորդին վարկաբեկելու համար։
Ավելի վաղ Թրամփը մեկնաբանել էր իր մահվան մասին լուրերը՝ դրանք անվանելով խելագարություն։
