Յուրգեն Կլոպը համաձայնել է գլխավորել «Ռոմա»-ն
Անգլիական «Լիվերպուլ»-ի նախկին գլխավոր մարզիչ Յուրգեն Կլոպը որոշում է կայացրել գլխավորել իտալական «Ռոմա»-ն:
Այս մասին գրում է «La Stampa»-ը: Ըստ պարբերականի` մասնագետը մայիսի 18-ին ընդունել է «Ռոմա»-ի առաջարկը:
«Ռոմա»-ն «Սերիա Ա»-ի մրցաշրջանի ավարտից մեկ տուր առաջ Կլաուդիո Ռանիերիի գլխավորությամբ զբաղեցնում է Իտալիայի առաջնության մրցաշարային աղյուսակի 6-րդ հորիզոնականը: Մրցաշրջանի ավարտից հետո Ռանիերին կհեռանա իտալական ակումբի գլխավոր մարզչի պաշտոնից։
Յուրգեն Կլոպի վերջին ակումբը եղել է «Լիվերպուլ»-ը, որը նա գլխավորել է 2015-2024 թվականներին:
