Գազարը՝ չամանով
Բաղադրիչները
- 4 հատ կամ 300 գ գազար
- 35 գ տոմատի մածուկ
- 0,5 թ.գ. աղ
- 1 ճ.գ. ձիթապտղի ձեթ
- 700 մլ ջուր
Մարինադի համար
- 50 մլ սպիտակ գինու քացախ
- 1 պճեղ սխտոր
- 1թ.գ. աղացած պապրիկա
- 0,5 թ.գ. չաման (սերմերը)
- 0,5 թ.գ. շաքարավազ
- 1 ճ.գ. ձիթապտղի ձեթ
Պատրաստման եղանակը
Գազարը մաքրեք, լվացեք, մոտ 0,2 սմ հաստությամբ օղակաձև կտրատեք: Գազարի լցրեք կաթսայի մեջ, վրան այնքան եռացրած ջուր լցրեք, որ գազարները ծածկվեն, ավելացնել աղ և եփել 5-7 րոպե թույլ կրակի վրա:
Մարինադի համար պնակի մեջ լցրեք 1 ճ.գ. ձիթապտղի ձեթը, աղացած պապրիկան, շաքարավազն ու չամանը: Սխտորը մաքրեք, ճզմեք, ավելացրեք այս զանգվածին: Ավելացրեք նաև սպիտակ գինու քացախը, լավ խառնեք մինչև միատարր զանգված ստանալը:
Թավայի մեջ 1 ճ.գ. ձիթապտղի ձեթ լցրեք ու դրեք կրակին: Ավելացրեք տոմատի մածուկն ու ձեթի մեջ 1 րոպե տաքացրեք:
Կաթսայից ցանցի օգնությամբ հանեք գազարի օղակներն ու լցրեք տոմատի մածուկով թավայի մեջ: Խառնեք, թավայի կափարիչը փակեք ու 4-5 րոպե շոգեխաշեք:
Գազարով թավան հանեք կրակից, կափարիչը բացեք, թողեք մի փոքր հովանա: Տաք վիճակում ավելացրեք նախապես պատրաստած մարինադն ու թողեք լրիվ սառչի:
Կարող եք մատուցել ինչպես տաք, այնպես էլ սառը վիճակում:
Այս ձևով պատրաստած գազարը կարելի է մատուցել ինչպես եփած բրնձի, այնպես էլ կարտոֆիլի պյուրեի հետ:
