Լեդի Գագան չեղարկել է համերգը մեկնարկից մի քանի ժամ առաջ
Երգչուհի Լեդի Գագան Մայամիում կայանալիք համերգից ժամեր առաջ Ինստագրամում հայտարարել է, որ չեղարկում է իր ելույթը:
Գագան բացատրել է, որ ստիպված է եղել հետաձգել համերգը առողջական խնդիրների պատճառով։
Աստղի մոտ հայտնաբերվել է ձայնալարերի լարվածություն, ինչի պատճառով վերջինիս անձնական բժիշկը և վոկալի մարզիչը խորհուրդ են տվել նրան հրաժարվել համերգից։
Գագայի խոսքով՝ նա չի ցանկանում ռիսկի դիմել՝ վնասելով ձայնալարերը։
Նա հիշեցրել է, որ ամեն երեկո ելույթ է ունենում։ Արտիստը խոստովանել է, որ շոուի չեղարկումը իր համար դժվար և ցավոտ որոշում էր։
