Իդեալական սննդակարգ՝ երկարակեցության համար
Գիտնականները պարզել են կյանքի տևողությունն ավելացնելու համար լավագույն սննդակարգը, գրում է Science and Technology Daily- ն:
Չինացի փորձագետները վերլուծել են սննդային սովորությունների 26 տարբեր բժշկական ուսումնասիրությունների տվյալները, որոնցում ներգրավվել է մոտ 1,9 միլիոն մարդ Ամերիկայի, Եվրոպայի, Ասիայի, Աֆրիկայի և Ավստրալիայի 29 երկրներից և տարածաշրջաններից:
Ինչպես պարզվել է, օրական շուրջ հինգ բաժին միրգ և բանջարեղեն օգտագործելը իջեցնում է մահվան վտանգը նվազագույնի: Մասնակիցները, որոնք օրական օգտագործում էին հինգ բաժին միրգ և բանջարեղեն, ունեցել են կյանքի ամենաերկար տևողությունը, 13 տոկոսով ցածր ռիսկ տարբեր պատճառներից մահանալու և սրտանոթային հիվանդություններից մահանալու ռիսկն իջել է 12 տոկոսով, քաղցկեղից մահանալու ռիսկը՝ տասը տոկոսով, շնչառական հիվանդություններից` 35 տոկոսով:
Հետազոտողները զգուշացրել են, որ ոչ բոլոր բանջարեղենն ու մրգերն են օրգանիզմի համար հավասարապես օգտակար: Այսպիսով, օսլա պարունակող բանջարեղենի՝ սիսեռի, եգիպտացորենի, կարտոֆիլի օգտագործումը կապված չէ տարբեր պատճառներից կամ որոշակի քրոնիկ հիվանդություններից մահվան ռիսկի նվազման հետ: Առավել օգտակար են կանաչ տերևներով մթերքները, ինչպես նաև մրգերն ու բանջարեղենը, որոնք հարուստ էին բետա-կարոտինով և վիտամին C-ով, ինչպիսիք են ցիտրուսային մրգերը, հատապտուղները և գազարը:
