Արտակ Գրիգորյանն ավարտեց ֆուտբոլային կարիերան
Հայաստանի ֆուտբոլի ազգային թիմի և Երևանի «Փյունիկ»-ի ֆուտբոլիստ Արտակ Գրիգորյանն ավարտեց պրոֆեսիոնալ կարիերան:
37-ամյա ֆուտբոլիստը 52 հանդիպման է մասնակցել Հայաստանի ազգային հավաքականի կազմում: 496 խաղ նա անցկացրել է ակումբային կարիերայում:
Արտակ Գրիգորյանը Հայաստանի առաջնություններում ամենաշատ հանդիպում անցկացրած 3-րդ ֆուտբոլիստն է: Նա նախորդ մրցաշրջանում «Փյունիկի» հետ դարձավ Հայաստանի չեմպիոն՝ իր կարիերայում 6-րդ անգամ: Գրիգորյանը հայկական ակումբների կազմում եվրագավաթային խաղերում ևս բացարձակ ռեկորդակիր է անցկացրած խաղերի թվով:
