Դիետոլոգը թեյի հայտնի հավելումները հակացուցված է համարում որոշ խմբի մարդկանց համար
Թեյի մեջ հանրաճանաչ հավելումները, օրինակ՝ կաթը, անանուխը կամ կիտրոնը, կարող են և՛ բարելավել ինքնազգացողությունը, և՛ վատթարացնել այն, ասում է սննդաբան Իրինա Մանսուրովան։ Նա գնահատել է դրանց օգտակարությունը aif.ru-ի հետ զրույցում։
Մանսուրովան անանուխն անվանել է թեյի ամենատարածված հավելումներից մեկը։ Այս բույսը հանգստացնող ազդեցություն ունի օրգանիզմի վրա և նվազեցնում է գլխացավերի ինտենսիվությունը, ուստի բժիշկը խորհուրդ է տվել այն ավելացնել թեյի մեջ՝ նյարդերը հանգստացնելու համար։ Նաև այս ըմպելիքը կարող է օգտակար լինել մրսածության դեպքում։ Սակայն այս ըմպելիքը հակացուցված է տղամարդկանց, քանի որ անանուխը կարող է նվազեցնել տեստոստերոնի մակարդակը, ըստ shantnews-ի՝ ընդգծել է սննդաբանը։
Մանսուրովան նաև օգտակար է համարել կիտրոնով թեյը։ Նա խորհուրդ է տվել խմել այն անոթային հիվանդությունները կանխելու, արյան շրջանառությունը նորմալացնելու, նյութափոխանակությունը բարելավելու համար։ Այնուամենայնիվ, մարդիկ, ովքեր հակված են ալերգիայի ցիտրուսային մրգերի նկատմամբ, պետք է ավելի զգույշ լինեն այս ըմպելիքի նկատմամբ։
Որպես մեկ այլ հայտնի տարբերակ Մանսուրովան ընդգծել է կաթով թեյը։ Ըմպելիքի այս տարբերակը կօգնի բարելավել նյարդային համակարգի վիճակը, բարձրացնել աշխատունակությունը, ամրացնել մազերը և եղունգները։ Միաժամանակ, ըստ դիետոլոգի, կաթով թեյը վնասակար կլինի երիկամների հետ կապված խնդիրներ և միզուղիների բորբոքում ունեցող մարդկանց համար։ Նաեւ ավելի լավ է հրաժարվել այս ըմպելիքից, եթե ունեք երկաթի պակաս եւ ստամոքս-աղիքային տարբեր հիվանդություններ։
