Ալիևը կրկին մեղադրել է Հայաստանին
Ադրբեջանի նախագահ Իլհամ Ալիևը Տաշքենդում Տնտեսական համագործակցության կազմակերպության 16-րդ գագաթնաժողովում իր ելույթում կրկին մեղադրանքներ է ուղղել Հայաստանին՝ հայտարարելով, թե «գրեթե 30 տարի Հայաստանը ռազմական օկուպացիայի տակ է պահել Ադրբեջանի տարածքի մոտ 20 տոկոսը, իսկ Հայաստանի էթնիկ զտումների քաղաքականության արդյունքում ավելի քան մեկ միլիոն ադրբեջանցիներ վտարվել են իրենց պապենական հողերից և դարձել փախստականներ ու ներքին տեղահանվածներ։ 2020 թվականին Ադրբեջանը, օգտվելով ՄԱԿ-ի կանոնադրությանը համապատասխան ինքնապաշտպանության իր օրինական իրավունքից, հաղթեց Հայաստանին Հայրենական պատերազմում»։
Նա նաև հայտարարել է. «Մենք ուժով վերականգնել ենք մեր տարածքային ամբողջականությունն ու ինքնիշխանությունը՝ միջազգային իրավունքին և ՄԱԿ-ի կանոնադրությանը համապատասխան, և մենք հպարտ ենք դրանով։ Ես իմ երախտագիտությունն եմ հայտնում ՏՀԿ-ի անդամ երկրներին, ովքեր շնորհավորեցին Ադրբեջանին այս պատմական հաղթանակի կապակցությամբ»։
