Ամերիկյան Citibank-ի մասնագետները կանխատեսում են թուրքական արժույթի ամրապնդում
Աշխարհի ամենամեծ ֆինանսական կազմակերպություններից Citibank-ը 2023-ի 2-րդ կեսի համար լավատեսական կանխատեսումներ է արել վերջին 2 տարում անընդհատ արժեզրկվող թուրքական լիրայի վերաբերյալ։ Այս մասին տեղեկացնում է ermenihaber.am-ը։
Ըստ միջազգային ֆինանսական կոնցեռնի մասնագետների՝ լիրան արժևորման միտումներ կցուցաբերի մայիսի 14-ին Թուրքիայում տեղի ունենալիք նախագահական ու խորհրդարանական ընտրություններից շատ չանցած։ Նշվում է, որ թուրքական արժույթի ամրապնդման համար կարևոր պայման է տոկոսադրույքի ավելացումը, ինչը ենթադրաբար տեղի կունենա ընտրություններից հետո։
Citibank-ի ազգությամբ թուրք մասնագետներ Իլքեր Դոմաչի ու Գյուլթեքին Ըշըքլարի կազմած զեկույցում նշվում է, որ լիրայի արժևորմանը կարող են նպաստել նաև ընտրություններից հետո որոշ անվտանգության միջոցառումների ու սահմանափակումների թուլացումը։
Ըստ զեկույցի՝ 2023-ի վերջին թուրքական արժույթը կարող է արժևորվել մինչև 12 տոկոսով։
