Շոկոլադե ֆոնդան՝ պատրաստված ձմեռային ամենասիրելի մրգով

Մանդարինի կոնֆիտյուրով շոկոլադե ֆոնդանի բաղադրատոմսը՝ Beer Pairing ռեստորանի շեֆ-խոհարար Սերգեյ Գորյունովից:

Բաղադրիչներ ֆոնդանի համար

1. Մուգ շոկոլադ – 170 գ

2. Կարագ – 150 գ

3. Ձու – 5 հատ

4. Շաքարավազ – 70 գ

5. Ալյուր – 100 գ

6. Կակաոյի փոշի – 1 թ/գ

Պատրաստման եղանակը

1. Շոկոլադը և կարագը հալեցնել միկրոալիքային վառարանում կամ ջրային բաղնիքի վրա:

2. Ձվերը հարել մինչև պնդանա և աստիճանաբար ավելացնել շաքարավազը, ապա հովացրած շոկոլադե զանգվածը։ Լցնել ալյուրը և նրբորեն խառնել:

3. Խմորից մի հատված առանձնացնել, լցնել սառույցի կաղապարների մեջ և սառեցնել:

4. Ֆոնդանի համար նախատեսված կաղապարները (ցանկալի է՝ կերամիկական) պատել կարագով և ցանել կակաոյի փոշի: Կաղապարները լցնել խմորով, ներքևում դնել երկու-երեք շոկոլադե սառույցի կտորներ։

5. Ֆոնդանները թխել 180 աստիճան տաքացրած ջեռոցում 10-12 րոպե։ Մատուցել մանդարինի կոնֆիտյուրի հետ։

Բաղադրիչներ մանդարինի կոնֆիտյուրի համար

1. Մանդարին (մաքրած) – 1 կգ

2. Շաքարավազ – 500 գ

Պատրաստման եղանակը

1. Մաքրած մանդարինները բաժանել շերտերի։

2. Մանդարինների վրա շաքարավազ լցնել, թողնել մոտ մեկ ժամ, իսկ հետո դնել կրակի վրա։ Եռալուց հետո եփել մոտ 5 րոպե։ Պահել սառնարանում։

Պատրաստեց Անի Գաբուզյանը