Լիտվան 15,5 մլն եվրոյի սպառազինություն և ռազմական տեխնիկա է մատակարարել Ուկրաինային
Լիտվան M113 զրահամեքենաներ է հանձնել Ուկրանային: Ինչպես հաղորդել են Լիտվայի պաշտպանության նախարարությունում, այդպիսով ավարտվել է Վիլնյուսից 15,5 մլն եվրո գումարի օգնության փոխանցումը։
Նաեւ տալու են 10 ռազմական բեռնատարներ եւ 10 արտաճանապարհային մեքենաներ՝ ականազերծման աշխատանքների համար: Մամուլի տեղեկագրում նշվում է, որ Լիտվայի զինված ուժերը նաեւ ուկրաինացիներին ուսուցանում են օգտվել արեւմտյան սպառազինությունից, հնարավորություն են տալիս բարձրացնել որակավորումը:
Այսպես, ապրիլ ամսին անցկացվել են զորավարժանքներ, որոնց ժամանակ ուսուցանել են հակատանկային համակարգերի հրահանգիչները, իսկ հունիսին ուկրաինացի զինվորականներն ավարտել են Լիտվայի զինված ուժերի դպրոցի մասնագիտացված դասընթացները:
Լիտվան ռազմական օգնության շրջանակներում արդեն Ուկրանային է հանձնել Stinger համակարգեր, հակատանկային զենք, զրահաբաճկոններ եւ սաղավարտներ, 120-միլիմետրանոց ականանետներ, հրաձգային զենք, ջերմացույցներ, դրոններ, հակադրոններ, դիտառադարներ եւ այլն: Նաեւ պլանավորում են Ուկրանային փոխանցել EOS C VTOL հետախուզական անօդաչուներ եւ Bayraktar TB2 սարքավորված անօդաչու, հաղորդել է «Ինտերֆաքս»-ը:
