«Յուվենտուսը» հետաքրքրված է Մուհամեդ Սալահով
Իտալական «Յուվենտուսը» ցանկություն ունի ձեռք բերել անգլիական «Լիվերպուլի» եգիպտացի հարձակվող Մուհամեդ Սալահին: Այս մասին գրում են իտալական ԶԼՄ-ները: «Յուվենտուսը» մտադիր է ամռանը` տրանսֆերային պատուհանի ընթացքում, ամրապնդել հարձակման գիծը՝ հաշվի առնելով թիմի ներկայիս ելույթները Մասիմիլիանո Ալեգրիի ղեկավարությամբ: Հարձակման գծում լավագույնս հանդես եկող ֆուտբոլիստների շարքում է նաև Մուհամեդ Սալահը:
Ավելի վաղ լուրեր էին շրջանառվել, որ Մուհամեդ Սալահը հաջորդ մրցաշրջանում կհեռանա անգլիական ակումբից, քանի որ թիմի հետ հարձակվողի պայմանագիրն ավարտվում է 2023 թվականին:
