Դիմակավորված ներխուժել են Լևոն Քոչարյանի տուն, ցուցումը՝ ԱԺ ամբիոնից. Մեսրոպ Մանուկյան

Առավոտյան ժամը 7-ին, դիմակավորված ԱԱԾ-ականները ներխուժել են Հայաստան խմբակցության պատգամավոր Լևոն Քոչարյանի բնակարան։ Դեպքի վայրից տեսանյութ է հրապարակել նույն խմբակցության մեկ այլ պատգամավոր Մեսրոպ Մանուկյանը։

Սա տեղի է ունեցել երեկ խորհրդարանում Լևոն Քոչարյանի ու Նիկոլ Փաշինյանի միջև կոշտ հարցուպատասխանից հետո։ Փաշինյանն իր խոսքում, ըստ էության, սպառնացել էր ունեզրկել Քոչարյանին։ Մամուլում տեղեկություններ կան, որ առաջիկա օրերին իրավապահները գործողությունների են պատրաստվում են երկրորդ նախագահ Ռոբերտ Քոչարյանի դեմ։