Ձկներին սթրեսի չենթարկելու համար՝ Բելգիայում մտադիր են արգելել կլոր ակվարիումները
Կլոր ակվարիումները, որոնցում սովորաբար ոսկե ձկնիկներ են պահում, կարող են արգելվել Բելգիայում, գրում է Daily Mail-ը՝ մանրամասնելով, որ պատճառն այդ ակվարիումների՝ ձկների համար սթրեսային լինելն է:
Նշվում է, որ կլոր ակվարիումները, ի տարբերություն քառակուսիների, շատ ավելի քիչ ջրատարողականություն ունեն, ինչն ուղղակիորեն ազդում է ջրում թթվածնի ծավալի վրա: Ինչպես նշվում է Բելգիայի կառավարական փաստաթղթերում, այդ հանգամանքն անդրադառնում է ձկների առողջության և ինքնազգացողության վրա:
«Մենք գիտենք, որ կլոր ակվարիումն ազդում է ձկնորի մոտ սթրեսի վրա»,-ասել է կենդանիների բարօրրության հարցերով նախարար Բեռնար Քլերֆայը:
Նա մանրամասնել է, որ արգելքը վերաբերելու է կլոր ակվարիումների վաճառքին, ոչ թե օգտագործմանը:
