Շիֆոնե բիսկվիթ

Բաղադրիչներ

1. Ձու – 6 հատ

2. Բուսայուղ – 105 մլ

3. Ջուր – 180 մլ

4. Վանիլինի էքստրակտ – 1 ճ/գ

5. Ալյուր – 260 գ

6. Փխրեցուցիչ – 2 թ/գ

7. Եգիպտացորենի օսլա – 1 ճ/գ

8. Աղ – 1/2 թ/գ

9. Շաքարավազ – 330 գ

Պատրաստման եղանակը

1. Ջեռոցը տաքացնել մինչև 165 աստիճան: Երկու 20 սմ-անոց կաղապար պատել յուղաթղթով:

2. Դեղնուցներն առանձնացնել սպիտակուցից և խառնել բուսայուղի, ջրի և վանիլինի հետ: Հարել ցածր արագությամբ:

3. Ալյուրը մաղել և խառնել փխրեցուցչի, օսլայի, աղի և շաքարավազի 2/3-ի հետ:

4. Շարունակելով ցածր արագությամբ հարել դեղնուցային զանգվածը՝ աստիճանաբար ավելացնել չոր բաղադրիչները: Մեծացնել արագությունը և հարել ևս մեկ րոպե:

5. Սպիտակուցները հարել առանձին թասի մեջ: Շարունակելով հարել՝ մաս-մաս ավելացնել մնացած շաքարավազը: Պետք է ստացվի պինդ և փայլուն զանգված:

6. Զգուշությամբ խառնելով՝ 3 անգամից խմորին ավելացնել սպիտակուցը: Լցնել կաղապարների մեջ, թխել բիսկվիթները մոտ 30-35 րոպե:

Պատրաստեց Անի Գաբուզյանը