«Գյուղում այս պահին իրավիճակը նորմալ է». Վերին Շորժայի գյուղապետ
Համացանցում տեսանյութ է շրջանառվում, որտեղ մի խումբ զինված ադրբեջանցիներ զինված շարժվում են դեպի Սոթք։
168.am–ը Գեղարքունիքի մարզի Վերին Շորժա գյուղի ղեկավար Արտյոմ Երանոսյանից հետաքրքրվեց, թե ի՞նչ իրավիճակ է գյուղում և ի՞նչ տեղեկություններ ունի տեսանյութի վերաբերյալ։
«Այդ տեսանյութի հետ կապված որևէ տեղեկություն չունեմ այս պահին։ Ինչ վերաբերում է ընդհանուր իրավիճակին, ապա գյուղում այս պահին իրավիճակը նորմալ է։ Եթե ինչ-որ բան կատարվում է, ապա կատարվում է մեր սարերում, որոնք գյուղից հեռու են»,- նշեց Արտյոմ Երանոսյանը։
Այլ հատվածներում եղած ընդհանուր իրավիճակի վերաբերյալ Արտյոմ Երանոսյանն ասաց, որ տեղեկություն չունի։
