Տասնյակ քաղաքացիներ, ոստիկաններ և կարմիր բերետավորներ հավաքվել են Կառավարության շենքի մոտ
Մեծի Տանն Կիլիկիո կաթողիկոս Արամ Առաջինը հանդես է հայտարարությամբ՝ անդրադառնալով Ադրբեջանի ռազմական ագրեսիայի հետևանքով ստեղծված սահմանային իրավիճակին:
ՌԴ ԱԳՆ-ն արձագանքում է հայ-ադրբեջանական սահմաններին ստեղծված ծայրահեղ լարված իրավիճակին: 168.am-ը մի շարք հարցեր էր ուղղել ՌԴ ԱԳՆ պաշտոնական ներկայացուցիչ Մարիա Զախարովային։
Պաշտպանության նախարար Սուրեն Պապիկյանի ավտոշարասյունը ժամանեց Կառավարության շենք
Գնդապետ Բորիս Ավագյանը կասկածներ ունի՝ Սյունիքում վերջին օրերին և մասնավորապես այսօրվա Ադրբեջանի կողմից ձեռնարկված ռազմական կտրուկ գործողությունները հետևանք են Նիկոլ Փաշինյանի կողմից տրված ու վերջին պահին չկատարված խոստումների։ Այս մասին 168.am-ի հետ զրույցում ասաց Բորիս Ավագյանը՝ հավելելով.
Գյումրիի 102-րդ ռուսական ռազմաբազան մարտական պատրաստության է բերվել։ Ռուսական ռազմաբազան տագնապի ազդանշանով է պատրաստության բերվել։ Այս մասին հայտնում են Գյումրիում @wargonzo նախագծի աղբյուրները։
Մեկ տարի առաջ, նոյեմբերի 9-ին ստորագրվեց եռակողմ հայտարարությունը, որն ընդդիմությունը բնորոշեց՝ կապիտուլյացիոն, իսկ իշխանությանները՝ փրկօղակ 25-30 հազար պոտենցիալ զոհ երիտասարդների համար։
Գեղամասար խոշորացված համայնքի ղեկավար Հակոբ Ավետյանն ահազանգում է՝ սահմանների մոտ թշնամին մեծ թվով զինտեխնիկա է կուտակում:
Նոյեմբերի 16-ի առավոտից Սյունիքում փաստացի պատերազմական գործողություններ են ընթանում, կան զոհեր ու վիրավորներ, որոնց թիվը դեռևս չի ճշտվել։ Այս պայմաններում աշխատանքային օրվա ավարտին տարածվում է պաշտոնական հաղորդագրություն այն մասին, որ ՀՀ նախագահ Արմեն Սարգսյանը ստեղծված իրավիճակը ՀՀ վարչապետ Նիկոլ Փաշինյանի հետ քննարկել է, ուշադրությո՛ւն, ՀԵՌԱԽՈՍԱԶՐՈՒՅՑԻ ընթացքում։
Նիկոլ Փաշինյանի գլխավորությամբ տեղի է ունեցել Անվտանգության խորհրդի արտահերթ նիստ, որին բացի ԱԽ անդամներից մասնակցել են նաև Ազգային ժողովի նախագահ Ալեն Սիմոնյանը, Վարչապետի աշխատակազմի ղեկավար Արայիկ Հարությունյանը և ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը:
Հայ-ադրբեջանական սահմաններին ծավալվող թեժ մարտական գործողությունների ֆոնին ուշագրավ է հետևել Հայաստանի Հանրապետության իշխանությունների նախաձեռնած դիվանագիտական և քաղաքական միջազգային շփումներին:
Այսօր 19:00-ի սահմաններում կառավարության շենքի մոտ՝ բոլոր կողմերից, ոստիկանական ուժեր էին կենտրոնացված։ Մոտ մեկ տասնյակ ոստիկանական ավտոմեքենա, այդ թվում՝ ավտոբուսներ և քաղաքացիներին բերման ենթարկելու համար նախատեսված հատուկ մեքենաներ կայանել էին՝ ինչպես Կառավարության շենքի մոտ, այնպես էլ՝ Հանրապետության հրապարակում՝ շատրվանների դիմաց բաց տարածքում։
ԱՄՆ-ի նախագահ Ջո Բայդենի եւ ՉԺՀ-ի նախագահ Սի Ծինպինի վիրտուալ հանդիպումը հիմնարար չէին ակնկալում հարաբերությունների համար, ոչ մի բան ձեռք չի բերվել նաեւ Տայվանի համատեքստում: Այդ մասին հայտարարել են Սպիտակ տանը:
ՄԱԿ-ի Անվտանգության խորհուրդն առայժմ չի պլանավորում նիստ գումարել հայ-ադրբեջանական սահմանին տիրող իրավիճակի վերաբերյալ, սակայն Անվտանգության խորհրդի անդամները կարող են դա քննարկել:
Օգտվելով Հայաստանի թուլամորթ և պարտվողական իշխանությունների անճարակությունից՝ Ադրբեջանը հերթական ագրեսիան նախաձեռնեց Հայաստանի դեմ՝ փորձելով ապահովել Հայաստանի կապիտուլացման նոր փուլը։
ՀՀ կառավարությունը ծրագրում է ատոմակայանի նոր էներգաբլոկ կառուցում և ամեն ինչ անելու է, որ ատոմային էներգիայի արտադրությունը Հայաստանում ոչ մի օր չդադարի։
Առողջապահության նախարարության պրոֆեսոր Յոլյանի անվան արյունաբանական կենտրոնին շտապ անհրաժեշտ են արյան դոնորներ։ Արյունաբանական կենտրոնն այս մասին հայտարարել է «Ֆեյսբուք»-ի իր էջի գրառմամբ։
Վրաստանում հայտնաբերված կորոնավիրուսով վարակման դեպքերի թիվը վերջին օրվա ընթացքում ավելացել է 5204-ով:
Նիկոլ Փաշինյանը հաստատել է մասնակցությունն ԱՄՆ-ում կայանալիք ժողովրդավարության թեմայով համաժողովին:
Հայ-ադրբեջանական սահմանին տիրող իրավիճակը քննարկվել է Նիկոլ Փաշինյանի ու Եվրոպական խորհրդի նախագահ Շարլ Միշելի հեռախոսազրույցի ընթացքում։ Այն տեղի է ունեցել վերջինիս նախաձեռնությամբ:
Մայր Աթոռ Սուրբ Էջմիածինը խորը անհանգստությամբ է հետևում Հայաստանի Հանրապետության արևելյան սահմանին Ադրբեջանի կողմից սանձազերծված մարտական գործողություններին, որոնք սպառնում են վերաճելու լայնամասշտաբ պատերազմի։ Ադրբեջանը, անտեսելով 2020 թ. նոյեմբերի 9-ի եռակողմ հայտարարության պայմանները, նոր հավակնություններ է դրսևորում այս անգամ Հայաստան պետության ինքնիշխան տարածքների նկատմամբ։
Սովորական պայմաններում պետության բացակայության մասին գնահատականները երբեմն չափազանցված են հնչում, հակադարձվում են դրոշի, զինանշանի ու պետական պաշտոնյաների ատրիբուտիկ գոյությամբ։ Բայց ֆորսմաժորային պայմաններում պետության բացակայությունը կամ չգոյությունն ուղղակի աչք է ծակում՝ հերթական անգամ ապացուցելով, որ ստեղծված իրավիճակը պայմանավորված է հենց պետության չլինելիությամբ։
Ադրբեջանական ռազմական ագրեսիայի հետևանքով ստեղծված սահմանային իրավիճակի հետ կապված՝ Հանրապետության նախագահ Արմեն Սարգսյանը հեռախոսազրույց է ունեցել վարչապետ Նիկոլ Փաշինյանի հետ։ Քննարկվել է ադրբեջանական կողմի նախահարձակ գործողությունների արդյունքում ստեղծված իրավիճակը: Վարչապետը տեղեկություններ է հաղորդել ադրբեջանական զինուժի կողմից Հայաստանի սահմանների ու տարածքային ամբողջականության հանդեպ ոտնձգությունների վերաբերյալ և ներկայացրել հայկական զինուժի կողմից ձեռնարկվող գործողությունները:
Քիչ առաջ «Յուքոմ» հեռահաղորդակցության ընկերությունը հաղորդագրությամբ զգոնության կոչով էր դիմել բաժանորդներին՝ հորդորելով չտրվել թշնամու սադրանքներին:
Ադրբեջանական խոցված զինտեխնիկան
Արտակ Զաքարյանը ֆեյսբուքյան իր էջում գրում է․ «ԱԺ-ում ՔՊ-ական մի պատգամավոր կա (անունը չեմ տալիս, արժանի չէ, որովհետև համ կոչ է անում դադարեցնել քաղաքական քննադատությունը, համ էլ իր հարցազրույցում հիմար քննադատություն է ուղղում ընդդիմությանը), մի ճիշտ բան է ասել այսօր: Ասում է, եթե ուզում ենք, որ մեզ հարգեն ու դաշնակից ունենանք, պետք է հինգերորդ շարասյուն չլինենք:
ՉԺՀ-ի նախագահ Սի Ծինպինը եւ ԱՄՆ-ի նախագահ Ջո Բայդենը տեսակապով հանդիպման ընթացքում քննարկել են Աֆղանստանի, Իրանի եւ Կորեական թերակղզու իրադրությունը: Նոյեմբերի 16-ին այդ մասին հաղորդել է ՉԺՀ-ի արտաքին գործերի նախարարությունը։
«Իսկ քանի՞ վայրկյան է հարկավոր նման դիմում գրելու համար: Ավելի քիչ ժամանակ է հարկավոր, քան հեռուստատեսային հարցազրույց տալը: Պետք է սկզբից գրել գրավոր դիմում, իսկ հետո արդեն հանդես գալ եթերով, նա դա արե՞լ է: Երևի թե ոչ, քանի որ մենք կիմանայինք այդ մասին: Իսկ ի՞նչ է՝ նա ունի՞ բավարար կարգավիճակ նման դիմում անելու համար, իսկ նա ընդհանրապես ո՞վ է: Նա պարզապես ԱԽ քարտուղար է: Նա ՀՀ բարձրագույն ներկայացուցիչ չէ: Կասկածում եմ, եթե նա լիներ ՀՀ բարձր ներկայացուցիչը, ապա մենք հստակ կիմանայինք, թե որն է ՀՀ դիրքորոշումը, նա մեկ մի բան է ասում, մեկ՝ այլ:
Հեռախոսազրույցի ընթացքում ՀՀ պաշտպանության նախարարը ներկայացրել է հայ-ադրբեջանական սահմանագծի արևելյան հատվածում նոյեմբերի 16-ին ադրբեջանական ԶՈՒ սադրանքից հետո ստեղծված իրավիճակը: Սուրեն Պապիկյանն ընդգծել է, որ ադրբեջանական զինված ուժերի ստորաբաժանումների ներխուժումը Հայաստանի Հանրապետության ինքնիշխան տարածք 2020թ. նոյեմբերի 9-ի եռակողմ հայտարարության դրույթների կոպիտ խախտում է և վտանգի տակ է դնում ողջ բանակցային գործընթացը:
Հայաստանի մարդու իրավունքների պաշտպան Արման Թաթոյանը նոր հայտարարություն է տարածել՝ անդրադառնալով Սյունիքում ադրբեջանական զինված ուժերի ներխուժումներին։
