Հայտնի է Վրաստանում խորհրդարանական ընտրությունների օրը
Վրաստանի նախագահ Սալոմե Զուրաբիշվիլին պաշտոնապես հայտարարել է, որ խորհրդարանական ընտրությունները տեղի կունենան հոկտեմբերի 31-ին։ Ինչպես տեղեկացնում է «ՌԻԱ Նովոստի»-ն, Վրաստանի սահմանադրության համաձայն՝ երկրում ընտրություններն անցկացվում են հոկտեմբերի վերջին շաբաթ օրը:
Քարոզարշավի մեկնարկի և ընտրության օրը պաշտոնապես հայտարարվում է 60 օր առաջ:
Ավելի վաղ երկրի խորհրդարանը փոփոխություններ էր կատարել երկրի սահմանադրության մեջ, համաձայն որի՝ 150 պատգամավորից 120-ը կընտրվեն խորհրդարանական ընտրություններում համամասնական ընտրակարգով, իսկ 30-ը՝ մեծամասնական:
