Հայր Մեսսին բանակցում է «Բարսելոնա»-ի հետ որդու` «Մանչեսթեր Սիթի» տեղափոխության գումարի շուրջ
«Բարսելոնա»-ի հարձակվող Լիոնել Մեսսիի հայրը սկսել է բանակցությունը կատալոնական թիմի հետ, որդու`«Մանչեսթեր Սիթի» տեղափոխության ֆինանսական պայմանների շուրջ: Այս մասին գրում է The Times-ը:
Ըստ պարբերականի, Խորխե Մեսսին բանակցություններ է վարում, որ Մեսսի կրտսերն անգլիական ակումբ տեղափոխվի 100 միլիոն անգլիական ֆունտի (133 միլիոն դոլար) դիմաց: Մեսսի հայրը Արգենտինայից ժամանել է Բարսելոնա՝ գործարքն ավարտին հասցնելու:
Ավելի վաղ հայտնի էր դարձել, որ «Բարսելոնայի» արգենտինացի հարձակվող Լիոնել Մեսսին ցանկություն ունի հեռանալ կատալոնական ակումբից: Արգենտինացին ֆաքսով այդ մասին հայտնել է թիմին և ուզում է օգտվել պայմանագիրը միակողմանի խզելու իր հնարավորությունից: Նրա հայրը Մանչեսթեր քաղաքում էր: Կողմերի միջև բանակցություններ են ընթացել երկու տարվա պայմանագրի շուրջ:
