Հունվար 13, 2020

Շաբաթ օրը Tert.am կայքի «Հարցազրույց» հաղորդաշարի եթերում փաստաբան Տիգրան Աթանեսյանն անդրադառնալով իր պաշտպանյալ Նորայր Փանոսյանի արդեն երկրորդ կալանավորման փաստին՝ ասել էր, որ Նորայր Փանոսյանին առաջարկել են համագործակցել նախաքննության մարմնի հետ, կոպիտ ասած՝ «ծախել» ընկերոջը՝ ՍԴ նախագահ Հրայր Թովմասյանին, զրպարտել նրան և չնստել: Հարցի շուրջ 168.am-ը զրուցեց փաստաբան Տիգրան Աթանեսյանի հետ:

«Փաշինյանների ընտանիքը անհանգստացած է այն փաստով, որ Արթուր Վանեցյանը իրենց մասին ինչ-որ գաղտնիքների է տիրապետում». քաղաքական վերլուծաբան Մենուա Հարությունյանն այս տպավորությունն է ստացել՝ կարդալով վարչապետի դստեր՝ Մարիամ Փաշինյանի ֆեյսբուքյան գրառումները՝ ուղղված ԱԱԾ նախկին տնօրեն Արթուր Վանեցյանին:

Այսօր մամուլում տեղեկություններ հայտնվեցին, թե Սահմանադրական դատարանի (ՍԴ) նախագահ Հրայր Թովմասյանը Հատուկ քննչական ծառայությունում (ՀՔԾ) է: Ավելի ուշ լուրեր տարածվեցին, թե վերջինս հարցաքննվել է:

Դեկտեմբերի 30-ից հունվարի 12-ը ճանապարհային ոստիկանության 1-ին սպայական գումարտակի ծառայողներն ուժեղացված ծառայություն են իրականացրել մայրաքաղաքում՝ պահպանվող հատուկ տարածք տեղափոխելով 183 մեքենա, որոնցից 171-ի վարորդները եղել են ալկոհոլի ազդեցության տակ, 11-ի վարորդները չեն ունեցել համապատասխան փաստաթղթեր, իսկ մի տրանսպորտային միջոցի վրա, առանց համապատասխան թույլտվության տեղադրված է եղել հատուկ ձայնային ազդանշաններ արձակելու սարքավորում։ Ուժեղացված ծառայության ընթացքում հայտնաբերվել է նաև առջևի հողմապակու լուսաթափանցելիության չափի խախտմամբ շահագործվող 4 մեքենա։

ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը դրական եզրակացություն տվեց լրատվական գործունեություն իրականացնողներին պետական միասնական գրանցամատյանից անվճար տեղեկատվություն տրամադրելու օրենքի նախագծին:

Հայաստանի ֆուտբոլի ազգային թիմի կիսապաշտպան Տիգրան Բարսեղյանը պայմանագիր է ստորագրել «Աստանա»-ի հետ:

Հունվարի 1-ից Հայաստանում գործում է Ճանապարհային ոստիկանության (ՃՈ) տուգանքների նոր՝ բալային համակարգը։ Յուրաքանչյուր վարորդի այսուհետև տրվում է 9 բալ,  խախտումներ թույլ տալու դեպքում՝ 0,5, 1, 2, 3 կամ 4 տուգանային միավորները կհանվեն:

168 Լրահոս

Հունվարի 7-ին Սարգիս Սիմոնյանը, որն աշխատել է Ryanair ավիաընկերությունում, բայց նամակ էր ուղղել վարչապետ Նիկոլ Փաշինյանին, որում կրկին շեշտել էր Ryanair ընկերության ներկայացրած վտանգի, սպառողներին գրավելու մարքետինգային խաղերի, կոռումպացված լինելու ու անվտանգության խնդիրների մասին: Բաց նամակի համաձայն՝ 25 րոպեում անհնար է ինքնաթիռի անվտանգության ստուգում կատարել ու միաժամանակ ուղևորներին նստեցնել: Քաղաքացիական ավիացիայի կոմիտեի համար այս անհանգստություններն այնքան էլ տեղին չեն:

Առողջապահության նախարարությունն առանց մեզ տեղյակ պահելու որոշում է կայացրել դադարեցնել Աչաջուր գյուղի հիվանդանոցի ծննդատան և բուժական բաժնի ֆինանսավորումը:

ՀՀ զինվորական դատախազ, ՀՀ գլխավոր դատախազի տեղակալ Վահե Հարությունյանը, ՀՀ ՊՆ զորակոչային և զորահավաքային համալրման ծառայության պետ Արմեն Ավթանդիլյանի ուղեկցությամբ 2020 թվականի հունվարի 13-ին այցելել է ՀՀ ՊՆ կենտրոնական հավաքակայան, որտեղ ներկա է գտնվել զորակոչի կազմակերպման գործընթացին, անձամբ հետևել է անցկացվող վիճակահանությանը, դրա անցկացման կարգին և պայմաններին: 

Ազգային Հակակոռուպցիոն Խորհուրդը (այսուհետ՝ ԱՀ Խորհուրդ) նախնական ուսումնասիրության է ենթարկել ՎԵՏՕ նախաձեռնության ղեկավար Նարեկ Մալյանի հաղորդումն այն մասին, որ ՀՀ արդարադատության նախարար Ռուստամ Բադասյանն իր լիազորություններն իրականացնելիս կատարել է այնպիսի արարք, որը ողջամտորեն կարող է մեկնաբանվել որպես իր կամ իր հետ փոխկապակցված անձի անձնական շահերով առաջնորդվելուն միտված գործողություններ, ինչն էլ առաջացրել է շահերի բախում՝ արգելված «Հանրային ծառայության մասին» օրենքի 33-րդ հոդվածով:

ԱՄՆ-ի ֆինանսների նախարար Սթիվեն Մնուչինը Fox News-ի հետ զրուցելիս հայտարարել է, թե Boeing ամերիկյան ընկերության խնդիրները, որը երկու ավիաաղետից հետո հարկադրված էր կասեցնել Boeing-737 MAX հանրանավերի արտադրությունը, կարող են դանդաղեցնել ՀՆԱ-ի աճի տեմպերը։

Իտալական «Ռոմա»-ն ևս մեկ առաջարկով կդիմի «Արսենալ»-ին` Հենրիխ Մխիթարյանի տրանսֆերը գնելու համար:

Մարզային 9 առողջության կենտրոններ 2020թ. հունվարի 1-ից զրկվել են  պետպատվերով ծննդօգնության ծառայություններ մատուցելու հնարավորությունից: Առողջապահության նախարար Արսեն Թորոսյանը սա մեկնաբանեց, որ արդյունավետ աշխատանքի համար բուժհաստատությունը տարեկան ամենաքիչը 150 ծնունդ պետք է ունենա, իսկ Մարալիկի ծննդատունն այդքան չի ունենում: Բժիշկ, «Պարացելսուս» ՀԿ-ի նախագահ Նունե Ներսիսյանը լրագրողների հետ հանդիպմանը պարզաբանեց, որ հիվանդանոցի աշխատակիցներն անգամ տեղյակ չեն եղել, որ ծննդատները փակվում են:

Վարչապետ Նիկոլ Փաշինյանի մոտ կառավարությունում այսօր տեղի է ունեցել խորհրդակցություն, որի շրջանակում քննարկվել է Հայաստանի Հանրապետությունում աղբահանության ռազմավարության նախագծի մշակման աշխատանքների ընթացքը:

Մարդու իրավունքների պաշտպանն ուսումնասիրություն է սկսել Եղվարդում և Աչաջուրում ծննդօգնության ծառայությունների ֆինանսավորման դադարեցման հարցերի առնչությամբ։

Տիգրան Աթանեսյանը ֆեյսբուքյան իր էջում գրում է. «2018 թվականի հոկտեմբեր ամսին Մարալիկ քաղաքում Նարեկ Մալյանի, Արթուր Դանիելյանի և Գրիգոր Մինասյանի նկատմամբ տեղի ունեցած խուլիգանական հարձակման փաստի առթիվ անցյալ տարի հոկտեմբերին՝ դեպքից ավելի քան մեկ տարի անց, հարուցվել է քրեական գործ:

Ձմեռային զորակոչի շրջանակում զինված ուժերի զորամասերը համալրող նորակոչիկների հետ պարբերաբար անցկացվում են տեսական և գործնական պարապմունքներ:

Պետական եկամուտների կոմիտեի մոտ հավաքված ավտոներկրողները դժգոհ էին մաքսազերծման բարձր գներից: «Ունենք ստացականներ, թե երբ ենք մեքենաներ գնել: Պետք է ընդառաջեն, որ ներմուծածներն ու չներմուծածները հասցնենք մաքսազերծել 2019 թվականի գներով: Ես մի մեքենա մաքսազերծել եմ, պետական աշխատողը 20 րոպեում արել է: Իմ բերած մեքենան Mercedes-Benz Atego է, բեռնատար, 18300 եվրո՝ 20.000 դոլար է դարձել մաքսազերծումը, այն դեպքում, որ մեքենան 4000 դոլարով եմ գնել»,- լրագրողների հետ զրույցում ասաց ավտոներկրողներից մեկը:

Հատուկ քննչական ծառայությունը չի մեկնաբանում Սահմանադրական դատարանի նախագահ Հրայր Թովմասյանին հարցաքննության հրավիրելու վերաբերյալ տեղեկությունը:

Այսօր ՀՀ-ում ստեղծվել է մի իրավիճակ, երբ Սահմանադրական դատարանը փաստացի մնացել է միակ անկախ մարմինը, որի հետ հատկապես ոչ իշխանական իրավաբանական համայնքը կապում է արդարադատության իրականացման հնարավորությունը։ Այլ կերպ ասած՝ այսօրվա կախյալ դատական համակարգի դեմ պայքարում վերջին օղակը շարունակում է մնալ ՍԴ-ն, որտեղ կարելի է ակնկալել սահմանադրական արդարադատության իրականացում։

Լահորի Բարձր դատարանը «ոչ սահմանադրական» է համարել Պակիստանի նախկին նախագահ Փերվեզ Մուշառաֆի գործը լսելու համար հատուկ կոլեգիայի ստեղծումը եւ չեղարկել է նրա կողմից կայացված մահավճիռը:

Բողոքի ակցիայի մասնակցած ծննդատան բուժաշխատողները հարց էին ուղղում Առողջապահության նախարարությանը. «Ինչո՞ւ ժողովրդի կարծիքը չեն հարցնում: Եղվարդցին ուզում է, որ իր հարսը, աղջիկը այստեղ ծննդաբերի: Զորավանից պետք է գային, գիտեի, որ այսօր ծնունդ ունենք, բայց միանգամից գնացել էին Երևան: Ինչո՞ւ է ծնունդը գնացել Երևան: Զանգել էինք, պատասխանեցին, թե իմացել ենք՝ փակ է այդտեղ: Ասում են, թե ծնունդ քիչ է եղել: 2018 թվականի համեմատ 2019թ. 17-ով ավելացել է ծնունդների թիվը: Ամբողջ տարվա ընթացքում ունեցել ենք 136 ծնունդ: Բայց ըստ Առողջապահության նախարարության՝ 150 ծնունդ պետք է լինի. այդ ո՞վ է նման թիվ որոշել: Նոր մարզպետը մեզ այստեղ բերեց, պայմաններով ապահովեցին, բայց հիմա ասում են, թե՝ չէ, 150»,- դժգոհում էին բուժաշխատողները:

Հրաժարական տված Ռաուլ Խաջիմբան մտադիր չէ իր թեկնածությունն առաջադրել Աբխազիայի նախագահի կրկնական ընտրություններում, որոնք նշանակված են մարտի 22-ին:

Արմեն Աշոտյանը ֆեյսբուքյան իր էջում գրում է. «Երեկվա Վանեցյան-Փաշինյաններ սրացումները կրկին արդիական են դարձնում իմ կողմից բարձրաձայնված 4 հարցերի հրապարակային և ուղիղ պատասխանների կարևորությունը:

Պետական եկամուտների կոմիտեի նախագահ Դավիթ Անանյանը խոսքով՝ ինքը տեղյակ է ահազանգերի մասին, որ Գյումրու ավտոմաքսատան հերթերը գումարով վաճառվում են: Ավելին՝ դրա մասին տեղյակ է ոչ միայն ինքը, այլև վարչապետ Նիկոլ Փաշինյանը։

«Ոնց որ «Սիմփսոնների ընտանիքը» սերիալը նայենք». այսպես է արձագանքում մեդիափորձագետ Տիգրան Քոչարյանը Մարիամ Փաշինյան-Արթուր Վանեցյան հեռահար բանավեճին: Երեկ «Հայկական ժամանակ» կայքը գրել է, թե վարչապետ Նիկոլ Փաշինյանի ընտանիքի անդամների, մասնավորապես՝ կնոջ՝ Աննա Հակոբյանի, և դստեր՝ Մարիամ Փաշինյանի դեմ քարոզչական արշավ է ընթանում, և, որ այն համակարգվում և ներշնչվում է ԱԱԾ նախկին տնօրեն Արթուր Վանեցյանի կողմից:

Իրանի նախագահ Հասան Ռոհանին հավանություն է տվել Մեջլիսի (խորհրդարան) այն օրինագծին, որի համաձայն Պենտագոնը ճանաչվում է ահաբեկչական կազմակերպություն:

Հայտնի հռոմեական միտքը, որն այսօր դարձել է հայաստանյան իրականության դասական արտապատկերումը, վերջին երկու տարվա ընթացքում ապացուցում է իր ճշմարտացիությունը․ ևս մեկ անգամ համոզվում ենք, որ ժողովրդին պետք են միայն հաց և տեսարաններ։ Թե ինչքանով է իշխանությունը պահպանելու հարցում գործող իշխանություններին օգնում տարբեր քաղաքական գործիչների նկատմամբ քրեական հետապնդումներ իրականացնելու գործընթացը՝ դժվար է ասել, սակայն այն հանգամանքը, որ այսօր Հայաստանում իշխանության վարկանիշը գահավիժում է՝ ազատ անկման արագությանը մի քանի անգամ գերազանցելով՝ ապացուցման կարիք չունի։