Գրետա Թունբերգը ստացել է այլընտրական Նոբելյան մրցանակը
Շվեդ աշակերտուհի Գրետա Թունբերգը, որը համաշխարհային ճանաչում է ստացել որպես էկոակտիվիստուհի, դարձել է 2019 թվականի «Հանուն արժանապատիվ կենսակերպի» (Right Livelihood Award) միջազգային պարգեւի դափնեկիր, որը շնորհում են շրջակա միջավայրի ու մարդու իրավունքների բնագավառում կատարած աշխատանքի համար եւ հաճախ անվանում են այլընտրական Նոբելյան մրցանակ։
«Մեծ պատիվ է ինձ համար այսօր դառնալ Right Livelihood պարգեւի դափնեկիր: Մտքով ես ձեզ հետ եմ, Ստոկհոլմում»,- գրել է ակտիվիստուհին իր Twitter-ում:
Ինչպես ասված է մրցանակի կայքում, բացի Թունբերգից, այս տարվա դափնեկիրներ են դարձել մարդու իրավունքների պաշտպան Ամինատու Հայդարը Արեւմտյան Սահարայից, Չինաստանից իրավաբան Գո Ցզյանմեյը եւ Բրազիլիայի տեղաբնիկների շարժման առաջնորդ Դավի Կոպենավան, հաղորդել է ՌԻԱ Նովոստին:
