Washington Post-ը Թրամփի 10.000 սուտ հայտարարություն է հաշվել 2017 թվականից ի վեր
ԱՄՆ-ի նախագահ Դոնալդ Թրամփը 2017 թվականի սկզբից ի վեր ավելի քան 10 հազար սուտ հայտարարություն է արել պետության ղեկավարի պաշտոնում: Դա պնդում է ամերիկյան The Washington Post (WP) թերթը:
Հրատարակության տվյալներով՝ Թրամփը հենց ամենասկզբից, զբաղեցնելով ԱՄՆ-ի նախագահի պաշտոնը, օրական շուրջ հինգ սուտ հայտարարություն էր անում:
Ըստ որում վերջին մի քանի ամսում այդ թիվը հասել է 23-ի: Թրամփը, նշում է հրատարակությունը, ավելի ու ավելի հաճախակի է սկսել հանրահավաքներում կամ զանգվածային լրատվամիջոցների ներկայացուցիչների հետ հանդիպումներում հանդես գալ այնպիսի պնդումներով, որոնք չեն համապատասխանում իրականությանը:
The Washington Post-ն ընդգծում է, որ Դոնալդ Թրամփը, որը հանդես է գալիս «ստահոդ նորությունների» դեմ, ինքն է հակված անելու շինծու հայտարարություններ, հաղորդել է «Ինտերֆաքս» գործակալությունը:
