Մարսիալը հրաժարվել է «Մանչեսթեր Յունայթեդի» հետ պայմանագիր ստորագրել
Մեղավորն Ալեքսիսն է: «Մանչեսթեր Յունայթեդի» հարձակվող Անտոնի Մարսիալը դժգոհ է ակումբում խաղային ժամանակի քանակից և ցանկանում է հեռանալ ամառային տրանսֆերային պատուհանի ժամանակ:
Ըստ RMC Sport-ի տեղեկության՝ Մարսիալը հրաժարվել է նոր պայմանագիր ստորագրել «Մանչեսթեր Յունայթեդի» հետ: Ֆուտբոլիստը սառը հարաբերություններ ունի գլխավոր մարզիչ Ժոզե Մոուրինիոյի հետ և պատրաստվում է նոր ակումբ գտնել իր համար: Ֆրանսիացու նկատմամբ գլխավոր հավակնորդներն են «Յուվենթուսը», «Տոտենհեմը» և «Ատլետիկոն»:
ԱՊԼ-ում Մարսիալը վերջին լիարժեք հանդիպումն անցկացրել է փետրվարին («Նյուքասլի» դեմ՝ 0:1): Մարսիալի խաղային ժամանակը կտրուկ նվազեց Ալեքսիս Սանչեսի՝ «Մանչեսթեր Յունայթեդ» տեղափոխությունից հետո:
Պատրաստեց Անի Գաբուզյանը
