Գերմանացիների մեծամասնությունը դեմ է ԵՄ-ին Թուրքիայի անդամակցության շուրջ բանակցություններին
Գերմանացիների գրեթե երկու երրորդն արտահայտվել է հօգուտ այն բանի, որ Գերմանիայի
կառավարությունը հանդես գա Եվրամիությանը Թուրքիայի անդամակցության շուրջ Անկարայի հետ բանակցությունները դադարեցնելու նախաձեռնությամբ:
Ադ մասին վկայում են հարցման տվյալները, որը Bild թերթի համար անցկացրել է
INSA հետազոտական ինստիտուտը: Հարցման համաձայն, մասնակիցների 62,4 տոկոսը հանդես է գալիս Թուրքիայի հետ բանակցություններն ավարտելու օգտին, դրան դեմ է
արտահայտվել 11,9 տոկոսը: Մնացածները ձեռնպահ են մնացել:
Եվրամիությունը ներկայում անդամակցության թեկնածուի կարգավիճակ է տրամադրել Ալբանիային, Մակեդոնիային, Սերբիային, Թուրքիային եւ Չեռնոգորիային:
2016 թվականի փետրվարին Եվրամիությանը միանալու պաշտոնական հայտ է ներկայացրել Բոսնիան եւ Հերցեգովինան, հաղորդել է ՌԻԱ Նովոստին:
