«ՀՀ ղեկավարը կորոշի՝ ով որտեղ կաշխատի, ինչ հարցի բարեփոխումների անհրաժեշտություն կլինի: Սա նոր բան չէ, որ այսօր վարչապետն ասել է, իհարկե, դրական եմ համարում վարչապետի այս գնահատականները: Ես դրական սպասումներ ունեմ, որովհետև այլ ճանապարհ չունենք, որովհետև կոռուպցիան ախտ է, այն հիմնական մարտահրավերներից է, որ կա. սահմանադրական բարեփոխումները համակարգային բարեփոխումների սկիզբն է ՀՀ-ում»:
«Այն սկեպտիկները, ովքեր քննադատում էին նախագահի դիրքորոշման կոշտացումը, թե դա չի բխում մեր շահերից և կարող է հանգեցնել կոնֆլիկտի համանախագահ երկրների և Հայաստանի միջև, մենք տեսանք, որ դա կոնֆլիկտի չհանգեցրեց, այլ ընդհակառակը՝ նախագահի ամբողջական կոչից ու ազդակից հետո այսօր համանախագահները խոսում են այն բառապաշարով, որի մասին խոսում է մեր նախագահը»,- նշեց Է. Շարմազանովը:
«Մեր ֆունկցիան է՝ կոնկրետ օրինագծին տալ դրական կամ բացասական եզրակացություն: Բացառում եմ, որ կգտնվի որևէ մեկը, որը կասի, թե բացասական եզրակացություն է տալիս, դեմ է: Բայց նաև ենթադրում եմ, որ պետք է մտնի մեծ օրակարգ և պահվի այնքան ժամանակ, ինչքան անհրաժեշտություն կլինի»:
«Առաջին հերթին օրենսդրական վերանայումների անհրաժեշտություն կա, երկրորդը՝ գործիքակազմի վերանայումներ և փոփոխություններ, այդ թվում նաև լիազոր մարմինների և իրավասությունների հստակեցում, չորրորդը՝ այն մարմինները, որոնք իրենց ոլորտներում ունեն այնպիսի ծառայություններ մատուցող սուբյեկտներ, որոնք մասնավոր սեկտորում կարող են գերիշխող կամ մենաշնորհային դիրք ունենալ, պետք է սկսել նաև այդ սույբեկտների շուկայում մրցակցային պայմանների ստեղծումից»,- այս մասին այսօր լրագրողների հետ զրույցում ասաց ՀՀ էկոնոմիկայի նախարար Արծվիկ Մինասյանը:
Առաջնագծին օգնություն են ցուցաբերում Եկատերինբուրգի, Աստրախանի, Կաբարդինաբալկարիայի հայ համայնքները:
Գերմանիայի արտգործնախարար Ֆրանկ-Վալտեր Շտայնմայերը Ադրբեջանի իր գործընկերոջ՝ Էլմար Մամեդյարովի հետ հանդիպմանը հայտարարել է, որ Գերմանիան՝ որպես ԵԱՀԿ-ում համանախագահող երկիր և ԵԱՀԿ Մինսկի խումբը կգործադրեն բոլոր ջանքերը՝ կարգավորելու Լեռնային Ղարաբաղի հակամարտությունը:
Արցախի Հանրապետության Նախագահ Բակո Սահակյանը մայիսի 12-ին անց է կացրել աշխատանքային խորհրդակցություն` հանրապետության շրջվարչակազմերի ղեկավարների մասնակցությամբ:
Ս.Նիկոյանի կարծիքով՝ ՀՀ նախագահ Սերժ Սարգսյանը պետք է մասնակցի այդ հանդիպմանը, որովեհտև, նա կրկնեց, որ խոսքը բանակցությունների մասին չէ, խոսքը մեր խստացված պահանջների կատարմանն ուղղված քայլերի մասին է:
«ՀՀԿ ներկայացուցիչները կամ քաղաքական պատասխանատուները, որ նույն քաղաքական ուժն են ներկայացնում, ասում են՝ նման հարց օրակարգում չկա, նշանակում է՝ դա ճանաչում չէ: Իսկ հարցը չէր կարող հայտնվել օրակարգում, որովհետև դա օրենսդրական նախաձեռնություն է, որը սկսվել է մեր ընդդիմադիր ընկերների նախաձեռնությամբ»:
Մի խումբ գերմանացի մտավորականներ, որոնց թվում է նաև ծագումով թուրք հայտնի ռեժիսոր Ֆաթիհ Ակինը, բաց նամակով դիմել են Գերմանիայի կանցլեր Անգելա Մերկելին և Բունդեսթագին` կոչ անելով հունիսի 2-ին ճանաչել Հայոց ցեղասպանությունը: Ինչպես հայտնում է Horizon Weekly-ն, բաց նամակը տպագրվել է գերմանական Die Zeit թերթում:
Մոսկվան ողջունում է ցանկացած քայլ, որն ուղղված է Լեռնային Ղարաբաղի հակամարտության կարգավորմանը և Բաքվի ու Երևանի երկխոսությանը՝ գտնելու փոխզիջումներ:
Ռուսաստանի աշխատանքի նախարարությունը խնդիր է դնում ստեղծել միասնական սոցիալական տարածք Եվրասիական տնտեսական միության (ԵՏՄ) երկրների տարածքում: Այս գործընթացի միջոցառումների մի մասն արդեն ավարտվել է:
«Յուրաքանչյուր երկրի առողջապահական համակարգում կան Ձեր ասած արատավոր երևույթները, և վարչապետի ասած արատավոր երևույթներն ակնառու են: Կարծում եմ, որ պետք չէ առանձնահատուկ նշել»,- այս մասին այսօր լրագրողների հետ զրույցում ասաց ՀՀ առողջապահության նախարար Արմեն Մուրադյանը՝ խոսելով կառավարության նիստի ընթացքում վարչապետ Հովիկ Աբրահամյանի հայտարարության մասին, թե հարցերը, որոնք պատրաստվում ենք դարձնել քննարկման առարկա` բազմապիսի են: Դրանց մեջ են թե՛ տնտեսության զարգացումը, թե՛ առողջապահության և կրթական ոլորտների արատների դեմ պայքարը, և թե՛ բազում այլ հարցեր:
Մայիսի 13-14-ը առավելապես հյուսիսային շրջաններում, մայիսի 16-17-ը շրջանների մեծ մասում՝ օրվա երկրորդ կեսին և գիշերվա առաջին կեսին, սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Կրեմլը քաղաքականություն չի տեսնում «Ռոսսելխոզնադզորի» մտադրության մեջ, որը որոշել է ամբողջությամբ արգելել Թուրքիայից մրգերի ու բանջարեղենների մատակարարումը, հայտնում է RIA Novosti-ն՝ հղում կատարելով Ռուսաստանի նախագահի մամուլի քարտուղար Դմիտրի Պեսկովին:
«Կոմերսանտ» պարբերականը գրել էր, որ ապրիլյան գործողություններից հետո այրվածքների համար անհրաժեշտ միջոցներ չեն եղել, արտահերթ կարգով Ռուսաստանից են բերվել: Անդրադառնալով այդ հրապարակմանը՝ ՀՀ առողջապահության նախարար Արմեն Մուրադյանն ասաց, որ բազմաթիվ շահարկումներ կարող են լինել, պետք է զերծ մնալ այդ շահարկումներից:
ԱԺ ՀՅԴ խմբակցության ղեկավար Արմեն Ռուստամյանը երեկ հայտարարել էր, որ «4+4+4» ձևաչափով հայտարարություն է լինելու, և կա կոնսենսուսի լայն հնարավորություն: Այսօր լրագրողներն ԱԺ ՀՀԿ խմբակցության ղեկավար Վահրամ Բաղդասարյանից հետաքրքրվեցին՝ ի՞նչ հայտարարության մասին է խոսքը: Պարզվեց՝ խոսքը ցանկության մասին է:
ՀՀ ՊՆ Կենտրոնական կլինիկական զինվորական հոսպիտալում այս պահին մեկ զինծառայողի վիճակն է գնահատվում ծայրահեղ ծանր: Այս մասին այսօր կառավարության նիստի ավարտից հետո լրագրողների հետ զրույցում ասաց ՀՀ առողջապահության նախարար Արմեն Մուրադյանը: Նրա խոսքով՝ ծայրահեղ ծանր վիճակում գտնվող մի զինծառայող էլ «Էրեբունի» բժշկական կենտրոնոմ է գտնվում:
«Եվրատեսիլ» երգի միջազգային մրցույթում Հայաստանը ներկայացնող երգչուհի Իվետա Մուկուչյանը տեսաուղերձում շնորհակալություն է հայտնել երկրպագուներին իրեն ցուցաբերած աջակցության համար և խոստացել հնարավորինս լավ հանդես գալ ամսի 14-ին կայանալիք համերգի ժամանակ:
Ապրիլին ռազմական գործողությունների ընթացքում վիրավորված մի քանի զինծառայողներ տեղափոխվել են վերականգնողական կենտրոն, որտեղ առանձնահատուկ հաջողություններ են գրանցվում: Այս մասին այսօր կառավարության նիստի ավարտից հետո լրագրողների հետ զրույցում ասաց ՀՀ առողջապահության նախարար Արմեն Մուրադյանը:
Արցախն արձագանքում է ԵԱՀԿ Մինսկի խմբի հայտարարությանն այն մասին, որ եկել է Հայաստանի և Ադրբեջանի նախագահների հանդիպման ժամանակը:
ՀՀ կրթության և գիտության նախարար Լևոն Մկրտչյանի հրամանով փոփոխություններ են կատարվել «Ոսումնական հաստատության սովորողների կողմից կրթական ծրագրերի յուրացման, ամփոփիչ ստուգման կամ ատեստավորման անցկացման, սովորողների փոխադրման, ավարտման և ուսումնական տարվա ընթացքում բացակայած սովորողի՝ հաջորդ դասարան կամ հանրակրթության հաջորդ աստիճան փոխադրման կարգում»:
Բրազիլացի սենատորներն այսօր կայացած նիստում ավելի քան 20 ժամ տևած քննարկումներից հետո ժամանակավորապես աշխատանքից ազատել են երկրի նախագահ Դիլմա Ռուսեֆին պաշտոնից, հայտնում է RIA Novosti-ն:
Ադրբեջանցի մարզիկը մինչ մենամարտը, հայտարարել էր, թե Ալբերտ Ղազարյանը պատրաստված չէ, և ինքը կարող է 5 րոպեում հաղթել: «Դա տեղի չունեցավ: Ալբերտը 57 վայրկյանում հաղթեց նրան` խեղդում հնարքով: Այդ մենամարտին մենք լավ էինք պատրաստվել, հաջողությամբ մասնակցեցինք ու հաղթեցինք: Այս մենամարտը մեծ արձագանք ստացավ՝ կապված արցախյան հաղթանակի հետ: Մենք բավական լավ էինք տրամադրված, մենք գիտեինք, թե ինչ էինք ուզում անել: Եթե կասկած լիներ, որ կարող է պարտվեինք, ապա չէինք մասնակցի: Մենք հաղթանակի համար էինք գնացել»,- ավելացրեց Հայկ Ղուկասյանը:
ԵԱՀԿ Մինսկի խմբի համանախագահները շարունակում են հանդես գալ Լեռնային Ղարաբաղի հակամարտության հետևողական լուծման օգտին: Այս մասին, ինչպես տեղեկանում ենք ԵԱՀԿ-ի պաշտոնական կայքից, նշված է ԵԱՀԿ Մինսկի խմբի համանախագահներ Ջեյմս Ուորլիքի (ԱՄՆ), Իգոր Պոպովի (Ռուսաստան) և Պիեռ Անդրյոյի (Ֆրանսիա) համատեղ հայտարարության մեջ:
168.am-ի հետ զրույցում ՀՀ ՊՆ մամուլի խոսնակ Արծրուն Հովհաննիսյանը նշեց, որ նման բան պարզապես չի կարող լինել. «Թալիշ գյուղից ամենահեռու դիրքը անգամ մինչ կորուստը եղել է 3-4 կմ, եթե 7 կմ կորցնեինք, Թալիշն էլ հետը կկորցնեինք, կհասնեին Մատաղիս արդեն: Ավելացնելու ոչինչ չունեմ»:
Անդրադառնալով իր վերջին հարցազրույցում արտահայտած տեսակետին՝ հակամարտող կողմերին զենք չվաճառելու վերաբերյալ, Շավարշ Քոչարյանն ասաց, որ դա պետական դիրքորոշում չէ, ինքը հայտնել է իր անձնական մոտեցումը. «Երբ խոսում են՝ եթե ես զենք չմատակարարեմ՝ ուրիշը կմատակարարի, նա չմատակարարի՝ երրորդը կմատակարարի, ապա միգուցե (նորից եմ կրկնում՝ դա իմ անձնական մոտեցումն է) ճիշտ է, որ ընդհանուր առմամբ արգելք լինի հակամարտող պետություններին ընդհանրապես զենք մատակարարելու հարցում»:
«Ուզում եմ խոզերին շատացնեմ, տնտեսությունը մեծացնեմ: Ուզում եմ մաթեմատիկայից լավ լինեմ ու խանութում աշխատեմ, որ իրեն (նկատի ունի եղբորը) տանեմ բուժման»: Տղան որոշել է` ինչ էլ լինի` Շուշիից չի գնալու: «Ուզում եմ մնալ Շուշիում, մինչև կյանքից վերջն էլ մնալու եմ Շուշիում»:
«Մի հայկական բնավորության գիծ կա՝ ասում է՝ «մինչև դանակը ոսկորին չի հասնում, մենք ավելի զգոն չենք լինում»: Ասեմ, որ այդ տենդենցը միշտ եղել է, բայց ոչ այսպես կտրական, որը հայտարարվել է ՀՀ վարչապետի կողմից, և ասեմ, որ այդքան էլ կանխատեսելի չէին ապրիլյան դեպքերը, որ կարող էր նման մասշտաբի լայնածավալ երևույթ արձանագրվել, բայց, համենայն դեպս, դեպքը եղել է, և քանի որ մեր թշնամին անկանխատեսելի է, մենք պետք է զգոն լինենք ու յուրաքանչյուր դետալի վրա պետք է ուշադրություն դարձնենք: Ինձ թվում է, որ բավականին ավելի զգոն իրավիճակ է ստեղծվել, և լավ է ուշ, քան երբեք, մենք պետք է բավականին ուշադիր լինենք, պետական ծախսերից սկսած՝ մինչև յուրաքանչյուրիս առանձին պահելաձևի և վարվելակերպի մեջ պետք է փոփոխություն մտցնենք»:
«Ռուսաստանի պաշտոնական դիրքորոշմանը, որն արտայահայտվում է այդ հարցում, մենք քաջ տեղյակ ենք: Կարող են լինել տարբեր շեղումներ, արտահայտություններ, ու մենք պարտավոր չենք ամեն ինչին պատասխանել»,- այս մասին այսօր կառավարության նիստի ավարտից հետո լրագրողների հետ զրույցում ասաց ՀՀ արտաքին գործերի նախարարի տեղակալ Շավարշ Քոչարյանը՝ անդրադառնալով ՌԴ դեսպանատան աշխատակցի այն հայտարարությանը, թե քանի դեռ Հայաստանն Արցախը չի ճանաչել, ռուսական զենք Արցախ չի կարող գնալ:
