Լազերային զենքի մշակման հարցում մենք հետ չենք մնում ԱՄՆ-ից. ռուս գեներալ
Ռուսական Интерфакс լրատվական գործակալության փոխանցմամբ` Ռուսաստանի Պաշտպանության նախարարությունն ուշադիր հետևում է ԱՄՆ-ում լազերային զենքի մշակման ընթացքին:
Այս մասին հայտարարել է Ռուսաստանի Օդա-տիեզերական պաշտպանության զորքերի հրամանատարի տեղակալ, գեներալ-մայոր Կիրիլ Մակարովը:
Նա ընդգծել է, որ Ռուսաստանում նույնպես տարվում են այդօրինակ աշխատանքներ. «Ես գիտեմ, որ ԱՄՆ-ում տարվում են այդպիսի աշխատանքներ, սակայն ցանկանում եմ ասել, որ մենք հետ չենք մնում այդ հարցում: Դրանով ես կսահմանափակվեմ»:
Մակարովն ընդգծել է, որ լազերային զենքն ունի պոտենցիալ ինչպես հետախուզական միջոցների «կուրացման» համար, այնպես էլ որպես խոցող զենք:
