16.6 միլիոն դրամի լրացուցիչ հարկային պարտավորություն՝ «Գյումրի գարեջուր» ՍՊԸ-ի ստուգման արդյունքում

Ֆինանսների նախարարությունը դեկտեմբերի առաջին տասնօրյակում շարունակել է հարկային կարգապահության համապատասխան ցուցանիշների բարելավման պահանջը չընդունած կամ ոչ հիմնավոր բացատրություններ ներկայացրած հարկ վճարողների նկատմամբ շրջանառությունների և գների թերհայտարարագրումների, չգրանցված վարձու աշխատողների բացահայտման և մյուս ուղղություններով տարվող հարկային հսկողության աշխատանքները: Հաշվետու տասնօրյակում ավարտված բյուջեի հետ փոխհարաբերությունների ճշտության 13 ստուգումների արդյունքում արձանագրվել է 62.8 մլն դրամի լրացուցիչ հարկային պարտավորություն, այդ թվում` «ԳՅՈՒՄՐԻ ԳԱՐԵՋՈՒՐ» ՍՊԸ` 16.6մլն դրամ, «ՀԱՅՍ» ՍՊԸ` 11.6մլն դրամ, «ՖԵԼԻՔՍ-ՍԱՐԳ» ՍՊԸ` 4.6մլն դրամ և այլն:

Համապատասխան ցանկերում ընդգրկված հարկ վճարողների մոտ շրջանառությունների, գների և ապրանքային մնացորդների ճշգրտման նպատակով 22 հարկ վճարողի մոտ իրականացվել են չափագրումներ, 11-ի մոտ՝ հսկիչ գնումներ, 24-ի մոտ` ՀԴՄ շահագործման կանոնների ճշտության ստուգումներ, աշխատողի աշխատանքի ընդունումն օրենսդրությամբ սահմանված կարգով գրավոր չձևակերպելու` 6 ստուգումներ:

Հարկային հսկողական միջոցառումներին զուգահեռ իրականացվում է նաև օպերատիվ-հետախուզական աշխատանք հարկային մարմնի կողմից առաջադրված ցուցանիշների ինքնուրույն բարելավման պահանջը չընդունած հարկ վճարողների մոտ: Մասնավորապես, դեկտեմբերի առաջին տասնօրյակում նշված հարկ վճարողների մոտ իրականացվել է օպերատիվ-հետախուզական 11 միջոցառում` կապված հարկային հաշիվների դուրսգրման նկատմամբ հսկողության հետ, բյուջեի հետ փոխհարաբերությունների ճշտության 7 ստուգում` համապատասխան հարկ վճարողներին առաջադրելով մոտ 20.0մլն դրամի լրացուցիչ հարկային պարտավորություն:

Մշտական հսկողության տակ առնված առավել խոշոր և թիրախային 100 ներմուծող և արտադրող հարկ վճարողների մոտ 2014 թվականի դեկտեմբերի 1-ից 10-ն ընկած ժամանակահատվածում նախորդ տարվա նույն ժամանակաշրջանի համեմատ մատակարարների կողմից դուրս գրված հարկային հաշիվների քանակն ավելացել է 25 հազար 260 հատով կամ 71.0%-ով, իսկ դրանցում արտացոլված շրջանառության գումարն աճել է 612.5մլն դրամով կամ 13.5%-ով: Նշված հարկ վճարողների մոտ 2014 թվականի դեկտեմբերի 1-ից 10-ն ընկած ժամանակահատվածում նախորդ ամսվա նույն ժամանակաշրջանի համեմատ մատակարարների կողմից դուրս գրված հարկային հաշիվների քանակը նվազել է 1063 հատով կամ 2.0%-ով, իսկ արտացոլված շրջանառության գումարն աճել է 1մլրդ 19.0մլն դրամով կամ 25.0%-ով:

ՀՀ ֆինանսների նախարարությունը էլեկտրոնային հարկային հաշիվների շարժի նկատմամբ իրականացվող դիտարկումներով պարզել է, որ նոյեմբերի 21-ից 30-ն ընկած ժամանակահատվածում ՀՀ տարածքում տնտեսվարող սուբյեկտների կողմից անվավեր կամ չեղյալ է ճանաչվել 3105 էլեկտրոնային հարկային հաշիվ` 1.3մլրդ դրամ ընդհանուր արժեքով:

Ցանկերում ընդգրկված հարկ վճարողների կողմից նախորդ ժամանակաշրջանների համար ԱԱՀ-ի և տարեկան շահութահարկի ճշտված հաշվարկների ներկայացման միջոցով 31 հարկ վճարողի մոտ առաջացել է 52.8մլն դրամի լրացուցիչ հարկային պարտավորություն, ինչպես նաև հայտարարագրվել է լրացուցիչ 53 աշխատող:

21.11-30.11.2014թ. ընթացքում 10.0 մլն. դրամից ավել ընդհանուր արժեքով հարկային հաշիվներ անվավեր կամ չեղյալ ճանաչած հարկ վճարողների ցանկ
	Հ/Հ	ՀՎՀՀ	Անվանումը	Անվավեր և չեղյալ ճանաչված հարկային հաշիվների քանակը	Ընհանուր արժեքը (ներառյալ ԱԱՀ)
	1	00131984	ԱՅ ԹԻ ՄԱՍՏԵՐ ԷԼԵԿՏՐՈՆԻԿՍ (ՍՊԸ)	2	79,800,003
	2	00046136	ԱՐՍՕՅԼ ՀՁ (ՓԲԸ)	2	77,655,000
	3	02216066	«ԳՐԱՆԴ ՏՈԲԱԿՈ» ՀԱՅ-ԿԱՆԱԴԱԿԱՆ Հ/Ձ (ՍՊԸ)	2	52,587,600
	4	02800117	ՁՈՒԼԱԿԵՆՏՐՈՆ (ԲԲԸ)	2	43,024,880
	5	01003256	«ԱԴԱՄԻՈՒՄ» (ՍՊԸ)	21	42,331,641
	6	01557589	ՏՈՅՈՏԱ ԵՐԵՎԱՆ (ՍՊԸ)	2	34,786,500
	7	00251512	ԿՐԻՍՏԱԼ ՔԼԻՆԻՆԳ (ՍՊԸ)	2	31,028,290
	8	02573318	ՍՖԵՐԱ (ՍՊԸ)	1	30,000,062
	9	01241698	ՄԱՔՈՒՐ ԱՋԱՓՆՅԱԿ (ՓԲԸ)	1	24,129,000
	10	01839755	ԱՌԳԵ ԲԻԶՆԵՍ (ՍՊԸ)	6	19,149,176
	11	00256628	ԼԱՅՄ ՏԵԽ (ՍՊԸ)	6	18,378,000
	12	00807297	ԿՈԿԱ-ԿՈԼԱ ՀԵԼԼԵՆԻԿ ԲՈԹԼԻՆԳ ՔԱՄ.ԱՐՄԵՆ. (ՓԲԸ)	80	15,681,199
	13	03501339	ՍԱՐԱՆԻՍՏ (ՍՊԸ)	4	15,524,239
	14	00932469	ՎԵԳԵՔՈՄ (ՍՊԸ)	22	15,024,381
	15	00876234	ԴՈՄԻՆԱՆՏ ԴԻՍԹՐԻԲՈՒՇՆ (ՍՊԸ)	193	13,965,366
	16	05507136	ԱԼՖԱ-ՖԱՐՄ (ՓԲԸ)	29	13,559,190
	17	01003642	«ՌՌՌ» ՀԱՆՔԱՅԻՆ ՋՐԵՐԻ ԳՈՐԾԱՐԱՆ (ՓԲԸ)	17	13,021,514
	18	02609379	ԴԱՐՖ (ՍՊԸ)	20	10,517,850
	19	00110445	«ԴՐԻՄԼԱՆԴ» (ՍՊԸ)	3	10,489,765
	20	00102842	«ՍԱՄ ԿԱՐ ՇԻՆ» (ՍՊԸ)	1	10,350,000
	Ընդամենը			416	571,003,658