Երևան-Սևան ավտոճանապարհին «ԿամԱԶ»-ը դուրս է եկել երթևեկելի հատվածից և գլորվել ձորը
Մայիսի 4-ին, ժամը 13.03-ին տեղեկություն է ստացվել, որ Կոտայքի մարզի Նոր Հաճնի կամրջի մոտակայքում տեղի է ունեցել ՃՏՊ:
Դեպքի վայր է մեկնել մեկ մարտական հաշվարկ: Պարզվել է, որ Երևան-Սևան (Մ-4) ավտոճանապարհի 16-րդ կմ-ում «ԿամԱԶ» մակնիշի 314 SU 43 պետհամարանիշով ավտոբուսը դուրս է եկել երթևեկելի հատվածից և գլորվել ձորը (մոտ 150 մ): Հրշեջ-փրկարարները հոսանքազրկել են ավտոմեքենան և դադարեցրել գազի արտահոսքը:
Արտակարգ իրավիճակների նախարարություն
