Վիլնյուսի կոնֆերանսի մասնակիցները ողջունում են ԵՄ-ի ու Վրաստանի միջև Ասոցացման համաձայնագրի ստորագրման արագացումը
Վրացական Pirweli լրատվական գործակալության փոխանցմամբ՝ ԵՄ-ի անդամ երկրների խորհրդարանի նախագահները Վիլնյուսի կոնֆերանսի արդյունքներով երեկ ընդունել են ամփոփիչ փաստաթուղթ: Նրանք տվյալ փաստաթղթի բովանդակությունը քննարկել են ողջ ապրիլի 8-ին:
Փաստաթուղթը բաղկացած է 54 կետից, որոնցից 5-ն առնչվում է Ուկրաինայի իրադարձություններին: Դրանցում կոնֆերանսի մասնակիցներն աջակցություն են հայտնում Ուկրաինայի տարածքային ամբողջականությանը և դատապարտում են Ռուսաստանի ագրեսիան:
Փաստաթղթում զգալի տեղ է հատկացվել Վրաստանին: Դրանում նշված է, որ կոնֆերանսի մասնակիցները ողջունում են ԵՄ-ի ու Վրաստանի միջև Ասոցացման համաձայնագրի ստորագրման արագացումը: Երկօրյա այդ կոնֆերանսին մասնակցել է Վրաստանի խորհրդարանի նաախագահ Դավիթ Ուսուպաշվիլին:
Վրաստանը ԵՄ-ի հետ Ասոցացման համաձայնագիրը նախաստորագրել է նախորդ տարվա նոյեմբերի վերջին, Վիլնյուսում:
