Մոտ ժամանակներս պլանավորված չէ Աբաշիձե-Կարասին հանդիպում
Грузия Online-ի փոխանցմամբ՝ Ռուսաստանի հետ հարաբերությունների կարգավորման գծով Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ մոտ ժամանակներս պլանավորված չէ Ռուսաստանի փոխարտգործնախարար Գրիգորի Կարասինի հետ հանդիպում:
Դրա հետ մեկտեղ Աբաշիձեն հավելել է, որ վաղ թե ուշ այդ հանդիպումը տեղի է ունենալու: Աբաշիձեի ու Կարասինի հերթական հանդիպումը պետք է Պրահայում տեղի ունենար դեռևս մարտի 4-5-ին, սակայն Ուկրաինայի դեպքերի պատճառով այն հետաձգվել էր մարտի 14-ին: Այդ օրը, սակայն, նույնպես տեղի չէր ունեցել այդ հանդիպումը:
