Ռուսաստանը մեկուսացված է միջազգային գրեթե բոլոր կառույցներում. Մերկել
Deutsche Welle-ի փոխանցմամբ՝ Գերմանիայի կանցլեր Անգելա Մերկելը հայտարարել է, որ ներկա պահին հիմքեր չի տեսնում G8-ի շրջանակներում Ռուսաստանի հետ համագործակցելու համար՝ կապված Ղրիմի դեպքերի հետ:
Մերկելն այս մասին հայտարարել է բունդեսթագում՝ ընդգծելով, որ ԵՄ-ի առաջնորդներն անհրաժեշտության դեպքում պատրաստ են գնալու Ռուսաստանի հանդեպ պատժամիջոցների հերթական փուլը սահմանելուն՝ ներառյալ նաև տնտեսական պատժամիջոցները:
Մերկելը հավելել է, որ G8-ը գոյություն չի ունենա այնքան ժամանակ, քանի դեռ չեն ստեղծվել համապատասխան քաղաքական պայմաններ. «Ռուսաստանը մեկուսացված է միջազգային գրեթե բոլոր կառույցներում»:
