Իրանական բանակը համալրվել է բալիստիկ նոր հրթիռներով
Իրանական Fars լրատվական գործակալության փոխանցմամբ՝ իրանական բանակն ու Իսլամական հեղափոխության պահակազորը ստացել են մի շարք բալիստիկ հրթիռներ, ինչպես նաև Mersad ՀՕՊ-ի համակարգեր:
Խոսքը գնում է Qadr, Qiyam, Fateh- 110 հրթիռների մասին, որոնցով համալրվել են «Հաթամ ալ-Անբիա» ՀՕՊ-ի բազան և Իսլամական հեղափոխության պահակազորի օդային բազան: Այդ արարողակարգին այսօր մասնակցել է Իրանի պաշտպանության նախարար, բրիգադի գեներալ Հուսեին Դեհգհանը:
Վերջինիս խոսքերով՝ այդ հրթիռները կարող են հաղթահարել ՀՕՊ-ի համակարգերը: Qadr բալիստիկ հրթիռներն ունեն մեծ հեռահարություն և կարող են խոցել ավելի քան 200 կիլոմետր հեռավորության վրա ընկած թիրախները: Fateh- 110 հրթիռների հեռահարությունը կազմում է 250-300 կիլոմետր:
