Էրդողանը պատրաստ է հեռանալ քաղաքականությունից, եթե ընտրություններում չհաղթի նրա կուսակցությունը
Ռուսական РИА Новости լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը հայտարարել է, որ պատրաստ է հեռանալ քաղաքականությունից, եթե իր գլխավորած «Արդարություն ու զարգացում» կուսակցությունը (ԱԶԿ) տանուլ տա առաջիկա ընտրություններում.
«Հայտարարում եմ ուղիղ և բաց. եթե իմ կուսակցությունը չլինի առաջինն այդ ընտրություններում, ապա ես պատրաստ եմ հեռանալ քաղաքականությունից»: Նշվում է, որ Էրդողանն իր այս հայտարարությունն արել է այսօր Անկարայում՝ իր կողմնակիցների հետ հանդիպման ժամանակ:
Մարտի 30-ին Թուրքիայում տեղի են ունենալու տեղական ինքնակառավարման մարմինների ընտրություններ: Բացի այդ, ամռանը տեղի են ունենալու նախագահական ընտրություններ, իսկ հաջորդ տարի՝ խորհրդարանական ընտրություններ:
