Պուտինը կարող է ստանալ Խաղաղության Նոբելյան մրցանակ
Բրիտանական Reuters լրատվական գործակալության փոխանցմամբ՝ Ռուսաստանի նախագահ Վլադիմիր Պուտինին առաջադրել են 2014 թվականին Խաղաղության Նոբելյան մրցանակ ստանալու համար: Այս մասին հայտարարել է նորվեգական Նոբելյան ինստիտուտի տնօրեն Հեյր Լոնւդեսթագը:
Վերջինիս խոսքերով՝ 2014 թվականին Խաղաղության Նոբելյան մրցանակի համար առաջադրվել է ռեկորդային թվով թեկնածու՝ 278, որից 47-ը կազմակերպություններ են: Նոբելյան հանձնաժողովի անդամները երեկ քննարկել են Ղրիմի հարցը, Վենեսուելայի ու Թայլանդի հակակառավարական ակցիաները, և ցուցակում հավելել են իրենց թեկնածուներին:
Պուտինից բացի, թեկնածուների թվում ընդգրկվել են նաև Հռոմի պապ Ֆրանցիսկոսը, պակիստանցի ակտիվիստուհի Մալալա Յուսուֆզայը, ԿՀՎ-ի նախկին աշխատակից Էդվարդ Սնոուդենը:
