Ուիլյամ Հեյգը ողջունել է Հայաստանի ու Ադրբեջանի միջև բարձր մակարդակի երկխոսության վերսկսումը
Ադրբեջանական Trend լրատվական գործակալության փոխանցմամբ՝ Բաքվում գտնվող Մեծ Բրիտանիայի արտգործնախարար Ուիլյամ Հեյգը լրագրողների հետ զրույցում հայտարարել է, որ Մեծ Բրիտանիան հուսով է, որ Հայաստանի ու Ադրբեջանի նախագահների հանդիպումները կստանան մշտական բնույթ՝ կապված Ղարաբաղյան հակամարտության կարգավորման հետ.
«Մենք ողջունում ենք ոչ վաղ անցյալում Հայաստանի ու Ադրբեջանի նախագահների միջև տեղի ունեցած հանդիպումը և հուսով ենք, որ այդպիսի հանդիպումները կկրեն մշտական բնույթ»: Նշվում է, որ Հեյգը Ղարաբաղյան հակամարտության կարգավորման հարցը քննարկել է Ադրբեջանի արտգործնախարար Էլմար Մամեդյարովի հետ:
