Ավստրիայի արտաքին գործերի նախարարի պաշտոնում 27-ամյա ուսանող է նշանակվել
Ավստրիայի արտաքին քաղաքական գերատեսչությունը կղեկավարի իրավաբանական ֆակուլտետի 27-ամյա ուսանող Սեբաստիան Կուրցը, ով նաեւ դարձել է երկրի պատմության մեջ ամենաերիտասարդ նախարարը: Ավստրիական ժողովրդական կուսակցության երիտասարդական թեւի առաջնորդը նախորդ կաբինետում զբաղեցրել է ինտեգրացիայի հարցերով պետքարտուղարի պաշտոնը:
Փորձագետները նշում են, որ նոր նախարարը «քաղաքական տաղանդ» ունի, սակայն հարցադրում է արվում, թե արդյոք երիտասարդ գործչին կարող են լուրջ ընդունել: Պաշտոնաթող դիվանագետներց մեկը նկատել է, որ Կուրցը կարող է ղեկավարել ԱԳՆ-ն, «բայց արդյոք կարող է բանակցել ՌԴ ԱԳ նախարար Սերգեյ Լավորվի կամ Գերմանիայի ԱԳ նախարար Շտայնմայերի հետ: Դա դժվար է պատկերացանել»:
