Կառավարությունը չհաստատեց ՀՀԿ-ական պատգամավորի առաջարկը. Ոչ առևտրային կազմակերպություններն առայժմ ԱԱՀ վճարող չեն համարվի
ՀՀ կառավարության այսօրվա նիստում քննության է առնվել «Ավելացված արժեքի հարկի մասին» օրենքում փոփոխություն կատարելու օրենքի նախագիծը, որը օրենսդրական նախաձեռնության կարգով ներկայացրել է ՀՀ Ազգային ժողովի պատգամավոր Մարտին Սարգսյանը: Նա առաջարկում է ձեռնարկատիրական գործունեության իրավունք ունեցող ոչ առևտրային կազմակերպությունները ևս համարել ԱԱՀ վճարող: Ըստ կառավարության եզրակացության օրենքի նախագիծը լրամշակման կարիք ունի. գործադիրը պատրաստ է մասնակցելու նախագծի լրամշակմանը` արծարծված խնդիրը կարգավորելու նպատակով:
Վերը նշված օրենքների նախագծերը և կառավարության եզրակացությունները սահմանված կարգով կներկայացվեն ՀՀ Ազգային ժողով:
