«Ոստիկանությունում գողացված վրանները ձագ են հանել»
Քաղաքապետարանի մոտ նստացույց անող տղաներին այցելության եկած ակտիվիստ Անի Կաղինյանից Galatv.am-ի լրագրողը փորձել է ճշտել, թե արդյոք ոստիկանները վերադարձրե՞լ են վերջինիս պատկանող 2 վրանները, որոնք ակտիվիստների որակմամբ` ոստիկանները գողացել էին իրենցից այն օրը, երբ իրենք որոշել էին դրանք տեղադրել քաղաքապետարանին հարող այգում:
Անի Կաղինյանը հայտնել է, որ ոստիկանությունից իրեն զանգել ու ասել են, որ գնա վրանները վերցնելու: Երբ Անին գնացել է, նրան երկու վերցրած վրանների փոխարեն տվել են 3-ը: Քաղաքապետարանի մոտ տղաներին այցելածներից մեկը, լսելով ԳԱԼԱ-ի լրագրողի և Անիի զրույցը, ասել է. «Փաստորեն ոստիկանությունում գողացված վրանները ձագ են հանել»:
