Դատախազի ներքին համոզմունքի վրա՞ են Մկրտիչ Դանիելյանին դատապարտել 7 տարվա ազատազրկման (տեսանյութ)
Այսօր կառավարության շենքի մոտ բողոքի ակցիա անցկացրին Աղավնաձոր գյուղի մոտակայքում ավտովթարի հետևանքով 7 տարվա ազատազրկման դատապարտված Մկրտիչ Դանիելյանի հարազատները: Դանիելյանի քույրը՝ Լուսինեն, հայտարարեց, որ անմեղ մարդուն են դատել, իր եղբայրը մեղավոր չէ, նա եղել է ուղևոր, ինչը հաստատել են նաև 3 փորձագիտական կենտրոնները:
«Երկրում օրենք չկա: Վարորդ Գագիկ Հովսեփյանին փախցրել են Մարտիրոսյան Հակոբի (գործով դատախազ- Գ.Խ.) թեթև ձեռքով Ռուսաստան, էնտեղ միլիոններ է աշխատում: Հակոբ Մարտիրոսյանն ասում է՝ ես իմ ներքին համոզմունքի վրա եմ հիմնվում Դանիելյանին մեղադրելիս»,- ասաց Լուսինեն:
ՀՀ կառավարության քաղաքացիների ընդունելության և դիմումների քննարկման վարչության պետ Ալեքսանդր Ղազարյանը Մկրտիչ Դանիելյանի հարազատներին հրավիրեց գրասենյակ՝ այնտեղ «հանգիստ զրուցելու համար», իսկ լրագրողներին արգելեց տեսանկարել:
Մանրամասները՝ տեսանյութում
